Өткөн ишемби, 28-сентябрь күнү экс-депутат Ахматбек Келдибековдун уулу Бекболот Алматылык Камилла аттуу кыз менен баш кошкон.
Той ээси Ахмат Келдибеков уул-келинине өкүл ата кылып, экс-бажы-башчы Раим Матраимовду койгон.
Тойдо Өкүл ата болуп шайланган Раим Матраимов эки жашка куттуктоо сөзүн айтып, жаңы уул-кыз тапканын, эми өкүл уулу Бекболотко өз баласындай көз сала жүрөрүн айтып, белекке “Lange Rover «SV Autobiography” жолтандабасын тартуулаптыр.
Белгилей кетсек, комплектациясына жараша “Lange Rover «SV Autobiography” жолтандабастын баасы орточо $200.000. түзөт.
Британ автоөндүрүшүнөн чыккан бул унаанын кыймылдаткычы 565 аттын күчүнө барабар кубатка ээ. Ордунан козголгондон тартып, 5 секундда 100 км ылдамдыкка чыга алат. Саатына 225 км ылдамдыкты багынтат. 100 чакырымга 13,7 литр күйүүчү май ичет.
