Абактагы саясатчы Равшан Жээнбеков башкы прокурорго, юстиция министрине, Кыйноолордун алдын алуу борборуна жана жалпыга маалымдоо каражаттарына кайрылуу жолдоду.
Анда ал ден соолугу начарлап кеткени боюнча билдирген.
“Ден соолугумдун начарлашына байланыштуу сиздерге кайрылып жатам. УЗИ жана анализдер боорумдун абалы кескин начарлап кеткенин көрсөттү. СИЗО-1дин дарыгери менен бирге боор боюнча адиске барганыбызда менин абалым оор экенин тастыктады. Дарыгер квалификациялуу дарылоону жана ооруканага жатууну сунуштады.
Ошондон кийин мен – Юстиция министрлигине караштуу жаза аткаруу кызматынын төрагасына мага Конституцияда, мыйзамдарда, эл аралык нормалар тарабынан кепилденген, жаза аткаруу тутумунун тартиптерине жана жаза аткаруу кызматы менен саламаттык сактоо министрлиги нин келишимине ылайык, атайын дарыланууга мүмкүнчүлүгүн берүү өтүнүчү менен кайрылдым. Бирок жаза аткаруу кызматынын төрагасы А.Эгембердиев жана башкы дарыгери менин квалификациялуу жана адистештирилген дарыланууга мыйзамдуу укугумдан ажыратып жатышат. Жаза аткаруу кызматынын төрагасы менен башкы дарыгери же мени квалификациялуу дарылоого жол бербөө боюнча бийликтин көрсөтмөлөрүн аткарып жатышат, же өздөрүнүн ыйгарым укуктарынан аша чаап жатышат деп эсептейм. Ушуга байланыштуу келечекте менин ден соолугумдун начарлап кетишине А.Эгембердиевди жана жаза аткаруу кызматынын башкы дарыгерин күнөөлөйм.
Ошондой эле акыбалымдын начарлап кеткенин тастыктоо үчүн көз карандысыз дарыгерлер консилиумун чакырууну өтүнөм. А.Эгембердиев жана башкы дарыгери сыяктуу адамдардын айынан ондогон абактагы адамдар мыйзам тарабынан кепилденген өз убагында жана квалификациялуу дарылануу ала албай, абактарда каза болуп жатышат. Көз карандысыз дарыгерлерден турган консилиум түзүүгө жана мага квалификациялуу жана адистештирилген (боор) дарыланууга көмөктөшүүнү суранам. Анткени азыр мен саясий максаттардан улам Гиппократтын антын да аткарбаган жаза аткаруу кызматынын дарыгерлерине ишенбейм”, – деп жазылат кайрылууда.
Бүгүн, 3-апрелдеги Жогорку Кеңештин жалпы жыйыны учурунда депутат Исхак Масалиев сөз сүйлөп, фракциянын лидери, учурда …
Юрист Таттуубүбү Эргешбаева талаш жараткан “чет өлкөлүк өкүл” мыйзам долбооруна байланыштуу президент Садыр Жапаровго кайрылуу жолдоду. «Урматтуу …
«Коммерциялык эмес уюмдары жөнүндө» мыйзам долбооруна байлануштуу Оштогу бейөкмөт уюмдары президент Садыр Жапаровго кайрылуу жолдошту. …
Amnesty International (AI) уюму эл аралык уюму Жогорку Кеңеш кабыл алган “чет өлкөлүк өкүл” мыйзаманына …
Равшан Жээнбековдун жер тилкеси мамлекеттин пайдасына кайтарылды. Бул тууралуу Улуттук коопсуздук боюнча мамлекеттик комитетинин (УКМК) …
Журналисттерди коргоо комитети (CPJ) Кыргызстанда коррупцияга каршы иликтөө жүргүзүп келген сегиз журналисттин камактагы мөөнөтүнүн узартылышына …
