Россия Мамдумасынын Коргонуу комитетинин төрагасы Андрей Картаполов 2023-жылдагы жазгы аскерге чакырык 30 жашка чейинки жарандарды камтышы мүмкүн экенин айтты. Анын интервьюсун «Парламентская газета» басылмасы жарыялады.
«Жазгы аскерге чакырууга чейин аскер комиссариаттары карамагындагы канча киши бул талапка туура келерин тактоосу керек. Андан соң бул маалыматты тиешелүү аскердик тапшырмага шайкеш келтирүү зарыл», – деген Картаполов.
Картаполовдун айтымында, аскер жашын жогорулатуу жараяны баскыч-баскыч менен ишке ашып, үч жылга чейинки мөөнөткө созулушу мүмкүн. Бул үчүн бир катар мыйзамдарга, анын ичинде «Аскердик милдет жана аскердик кызмат» жөнүндө мыйзамга өзгөртүү киргизүү зарыл.
Мамдуманын башка бир депутаты, генерал-лейтенант Виктор Соболев аскер адистигине Россиядагы «бардык жаштарды» окутуу керектигин билдирди. Ал аскердик күжүрмөндүктү жогорулатуу зарылдыгын НАТОго каршы согушуу ыктымалдыгы менен түшүндүрдү.
Былтыр 21-декабрда Россиянын коргоо министри Сергей Шойгу армияда милдеттүү кызмат өтөөнүн төмөнкү курагын 18ден 21 жашка көтөрүүнү сунуш кылган. Жогорку чегин 30 жашка чейин жогорулатуу керектиги айтылган. Мурдагы жогорку чек 27 жашка чейин болчу. Путин демилгени колдогон.
Россияда жазгы аскерге чакыруу 2023-жылы 1-апрелден 15-июнга чейин болот.
Кыргызстандын Тышкы иштер министрлиги (ТИМ) Москвада маңзат сатууга шек саналып кармалган Кыргызстандын жараны Нурмухаммед Токобаевдин …
Кыргызстандын Тышкы иштер министрлиги (ТИМ) Орусияда «Крокус Сити Холлдогу” кандуу кол салуу жөнүндө сүйлөшкөнү үчүн …
Тажикстандын Орусиядагы элчилигине караштуу Коомдук кеңеш тажик жарандары үчүн билдирүү таратып, чет өлкөлүктөр үчүн Орусиянын …
2024-жылдын 25-мартында Кыргыз Республикасынын Тышкы иштер министри Жээнбек Кулубаев кесиптеши, Россия Федерациясынын Тышкы иштер министри …
Орусияда концерттик залдагы куралдуу кол салуудан каза болгондордун саны 24-мартка карата 137ге жетти, алардын 62си …
Структура миграционного притока из стран региона Центральной Азии в Россию стала менятся. По данным ЕАБР, …
