Россияда акыркы суткада коронавирустан 697 адам каза болду. Бул тууралуу ыкчам штаб билдирди.
Бул көрсөткүч Россияда пандемия башталгандан бери эң жогорку көрсөткүч. Мурунку рекорд бир күн мурун болуп, анда 679 бейтап каза болгон.
Жаңы өлүмдөрдүн көпчүлүгү Москвада — 116 жана Санкт-Петербургда — 110 катталды.
Россияда коронавирустун курмандыктарынын жалпы саны 137 262ге жетти. Жалпысынан, Россия Федерациясында пандемия башталгандан бери COVID-19 5,5 миллиондон ашык адамга оору жугуп, алардын 5 миллиону айыгып, 839 648 бейтап дарыгерлердин көзөмөлүндө.
