Грек-рим күрөшү боюнча балбан, 2008-жылы Пекинде өткөн Олимпиада оюндарынын коло байгесинин ээси Руслан Түмөнбаев Филадельфиядагы (АКШ) спорттук иш-чарада жаңжал чыгарган. Бул тууралуу 24.kg сайтына видео жарыяланган.
Маалыматка ылайык, иш-чарага кыргызстандыктар катышкан. Видеодо спортчулардын кармашка даярданып жатканы, судья алар менен баарлашып, биринин курун тууралап жатканы тартылган. Бул учурда көрүүчүлөрдүн ортосунда чыр чыгып, кыйкырык угулат.
Эске салсак, Руслан Түмөнбаев 2019-жылы үй-бүлөсү менен АКШга көчүп кеткен. Ал азыр Чикагодо жашайт.