Бишкек. 05.03.2019. Govori.TV
ЖК депутаты Рыскелди Момбеков Улуттук коопсуздук мамлекеттик комитетинин төрагасы менен жумушчу жолугушуу үчүн келди. Бул тууралуу УКМКнын басма сөз кызматы билдирген.
Маалыматка ылайык, депутатты эч ким суракка чакырган эмес.
«Депутат УКМКнын төрагасы менен жумушчу жолугушуу үчүн эле келди», — деди маалымат катчы.
Эске салсак, бүгүн айрым жалпыга маалымдоо каражаттары депутат Рыскелди Момбеков ТЭЦ-2 конушунун тургундары менен жолуккан учурда соттор бул жакта жашагандарга адилетсиз чечим чыгарып жатканы тууралуу айткан сөздөрү үчүн УКМКга суракка чакырылганын жазып чыгышкан.
