Кыргыз Республикасынын Президентинин милдетин аткаруучу Садыр Жапаров кол койгон Жарлыкка ылайык, Мусаев Рыскелди Жусупович Кыргыз Республикасынын Коопсуздук кеңешинин катчысы болуп дайындалды. Бул тууралуу президенттин аппаратынын маалыматтык саясат бөлүмү кабарлайт.
Дагы бир Жарлыкка ылайык, Кеңешбек Дуйшөбаев Коопсуздук кеңешинин катчысы кызматынан бошотулду. Ал Коопсуздук кеңешинин катчылыгына 15-октябрда дайындалган болчу.