Таласта 17-мартта Бекмолдо айыл өкмөтүнө караштуу Кара-Ой айылынын жүздөй тургуну президент Садыр Жапаров өтө турган Суусамыр-Талас-Тараз жолунун жээгине, Жерүй кенине кеткен бурулушка чогулду. Бул тууралуу Азаттык жазып чыкты.
Алар Жерүй кенин иштетүүдөн жакын жайгашкан айылдардын тургундары жапа чеккенин айтышып, түшкөн пайданын бир бөлүгүн бөлүп берүүнү талап кылышууда.
«Азаттыктын» аймактагы кабарчысынын айтымында, чогулгандар Жерүй кенин иштетүүгө байланыштуу эки тараптуу келишим, экологиялык абал жана тараптардын жоопкерчилиги боюнча бир нече талаптарды айтып жатышат.
Буга чейин топтолгон эл менен жергиликтүү бийлик өкүлдөрү сүйлөшкөн. Алар менен президент Садыр Жапаров жолугушуп, талаптарын укканы кабарланды.
Элдин суроолоруна жооп берип, нааразы тараптан үч адамды Жерүйгө алып кеткенин «Азаттыкка» жергиликтүү журналист Азамат Каработоев билдирди.
Жапаровдун катышуусунда бүгүн, 17-мартта Жерүй кениндеги алтын иштетүүчү фабрика ачылмак.
Президенттин басма сөз кызматы буга чейин ачылышка Орусиянын президенти Владимир Путин телекөпүрө форматында онлайн катышарын билдирген.
Таластагы Жерүй алтын кени 1969-жылы чалгындалган. Көлөмү боюнча Кыргызстанда Кумтөрдөн кийинки орунда турат. Геологиялык баштапкы иликтөөлөргө ылайык кенде 84 тонна алтын, 10 тоннадан ашуун күмүштүн запасы бар.
2015-жылы кен иштетүү укугу аукциондун негизинде 100 миллион долларга сатылган. Аны орусиялык «Орус платинасы» компаниясына таандык «Восток геолдобыча» ишканасына алган. Анын карамагында «Алтын альянс» ишканасы түзүлгөн.
Эл аралык республикалык инститтуттун (IRI) изилдөөсүнө ылайык, Кыргызстанда президенттин саясатын колдоо деңгээли 82%ды түздү. Бул …
Талас районунун аймагында катуу жааган жаандан катталган селдин кесепеттерин жоюу жана башка кечиктирилгис иш-чараларды өз …
22-апрелде нөшөрлөгөн жаандан улам Талас районуна караштуу Беш-Таш айыл аймагынын Көк-Кашат, Кең-Кол айыл аймагынын Ак-Жар …
Президент Садыр Жапаров бүгүн, 20-апрелде, Бишкектин четинде жайгашкан жаңы футболдук стадиондун курулушунун жүрүшү менен пландан …
Президент Садыр Жапаров шаар тургундарын Ботаникалык бакка барып эс алууга, көчөт сатып алып отургузууга чакырды. …
Президент Садыр Жапаровдун 18-19-апрелде Астана шаарына (Казакстан Республикасы) болгон расмий сапары аяктады. Астананын эл аралык …
