Салык кызматы депутат Камчыбек Жолдошбаевдин үйүн жана мүлкүн текшерет

Бишкек. 08.06.2018.Govori.TV.

Салык кызматы 1-июлдан тарта мамлекеттик кызматкерлердин салык декларацияларын текшерүүнү баштайт. Анын алкагында буга чейин маалымат каражаттарында жарыялаган Жогорку Кеңештин депутаты Камчыбек Жолдошбаевдин үйү жана мүлкү текшерилет. Бул тууралуу Салык кызматынан “Азаттыкка” кабарлашты.

Буга чейин KaktusMedia басылмасы Бишкекте депутат Жолдошбаев жашаган үй тууралуу кабар чыгарган. Борбор калаанын Бакаев көчөсүндө жайгашкан 2,5 гектар жер тилкесинде салынган чоң үйдө депутат жашарын анын жардамчысы жана турак жайдын күзөтчүлөрү бышыкташкан. Бирок бул үй Жолдошбаевдин мүлкү тууралуу декларациясында көрсөтүлгөн эмес.

Ал эми Клооп басылмасынын журналисттери аталган үй “Беш-Сары” компаниясына катталганын жазып чыкты.

Бул кабардан соң Салык кызматы алгачкылардын болуп депутат Жолдошбаевдин декларациясы текшерилиши мүмкүн экенин билдирди.

KaktusMedia жазгандай,  депутат 2015-жылкы декларациясында 90 миң сом иштеп тапканын,  2016-жылы болсо болгон кирешеси 784  миң сом болгонун, анын ичинен негизги жумушунан 171 миң сом гана маяна алганын  билдирген. Мындан тышкары анын туугандары “Турук”  көмүр кенинде көмүр казаары жана Бишкектеги “Бешсары” базарына ээлик кылаары белгилүү.

Ал депутаттыкка чейин өкмөттүк жумуштарды аркалаган эмес, ишкерликтен келгени белгилүү. Ошондой эле сырткы карызды төлөө боюнча каражат чогултууну байларга сунуш кылганы менен белгилү

Парламент депутаты Камчыбек Жолдошбаев жөө жүргөн кесиптештеринен уялып, “шапкесин баса кийип жүрөөрүн”  ЖКнын жыйындарынын биринде айткан жайы бар.

Подписаться:

Тема боюнча

Салык кызматы жеке жактардын 2,3 млн ашуун салык декларацияларын жок кылды

Бүгүн Мамлекеттик салык кызматы жеке ишкерлерден башка жеке жактар тарабынан берилген бардык салык декларацияларын жок …

Кененирээк

Салык кызматы 7-августка чейин жеке жактар тапшырган бардык декларацияларын жок кылат

Мамлекеттик салык кызматы 2023-жылдын 7-августуна чейин Кыргыз Республикасынын “Жеке жактардын активдерин ыктыярдуу легалдаштыруу жана мунапыс …

Кененирээк

Декларация тапшыруу мөөнөтү 1-майда аяктайт. Салык кызматы жарандарга кайрылды

Салык декларациясын тапшыруу мөөнөтү ушул жылдын 1-майында аяктайт. Бул тууралуу Мамлекеттик салык кызматы (МСК) билдирет. …

Кененирээк

Салык декларациясын кабыл алуу өнөктүгүн баштады

Мамлекеттик салык кызматы 2022-жылдын жыйынтыгы боюнча бирдиктүү салык декларациясын кабыл алуу өнөктүгүн баштады. Ведомстводон белгилешкендей, …

Кененирээк

Декларацияны талаптагыдай толтурбаган кызматкерлер жоопкерчиликке тартылды

Салык декларациясын талаптагыдай толтурбаган кызматкерлер жоопкерчиликке тартылды. Бул тууралуу Башкы прокуратуранын басма сөз кызматы билдирет. …

Кененирээк

Президенттин басма сөз катчысы Султанбаевдин кандай мүлкү бар?

Салык кызматы президент Садыр Жапаровдун басма сөз катчысы Эрбол Султанбаевдин мүлкү тууралуу маалыматты жарыялады. Ал …

Кененирээк