Шайлоого карата үгүт иштерине байланыштуу борбор калаадагы көрнөк-жарнак илинүүчү баннерлердин баардыгын бир партия сүйлөшүп ижарага алган деген маалымат бар. Бул тууралуу мурдагы өкмөт башчы, «Ак Шумкар» партиясынын лидери Темир Сариев бүгүн шайлоо мыйзамдарын талкуулаган жыйын учурунда билдирди.
Мындан сырткары, Темир Сариев парламент шайлоо мыйзамдары боюнча коомдук угуу өткөрүшү керек экенин белгилеп, ага парламентте болбогон партиянын өкүлдөрү жана жарандык активисттердин катышуусу зарыл экенин кошумчалады.