Селден улам жабылган Мырзаке-Кара-Кулжа-Алайкуу унаа жолу бир тараптуу ачылды. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка ылайык, 4-май күнү саат 21:30дар чамасында жааган жаандын кесепетинен кокту-колоттордон сел жүрүп, Мырзаке-Кара-Кулжа-Алайкуу унаа жолунун 45-54-чакырымын каптаган. Буга байланыштуу каттам жабылган.
Жүргүзүлгөн тазалоо иштеринин натыйжасында унаа жолу бир тараптуу ачылды. Учурда тазалоо иштери жүрүп жатат.