Бишкек шаардык соту биринчи инстанциядагы соттун чечимин күчүндө калтырып, Жогорку Кеңештин депутаты Асылбек Жээнбековдун баш коргоо чарасын өзгөрткөн жок.
Сотко чейинки өндүрүштүн алкагында ал 30-сентябрга чейин УКМКнын тергөө абагында калтырылды.
Эске салсак, Жээнбеков Кумтөр кенин иштетүүгө байланыштуу коррупциялык иштерди тергөөнүн алкагында 31-майда кармалган. Ушул эле күнү Биринчи май райондук соту аны эки айга камакта калтырган.