Форма №2 алуу үчүн кайрылгандардын саны 20- сентябрга карата алынган маалымат боюнча 445 миңге жетти. Бул тууралуу Govori. TVга БШКнын мүчөсү Атыр Абдрахматова билдирди.
«Бүгүнкү күндө шайлоо участкаларына «Форма-2″ арызы менен кайрылып, идентификациядан өткөндөрдүн саны контролдук тизмеде такталып жатат, жалпы саны чыга элек. 20- сентябрга карата 445 миңге жетти»,-деди Абдрахматова.
Шайлоодо биометрикалык маалыматтардын негизинде гана добуш берүүгө болот. Ошол себептен биометрикалык маалыматтарын тапшыра элек жарандарга жана шайлоо дарегин өзгөртүү үчүн арыз берүүчүлөргө 19-сентябрга чейин убакыт берилген.
Интернет колдонуучулар шайлоо жарышына старт берилген күндөн тарта эле партия талапкерлери өздөрүнө бөлүнгөн аймактарга «Форма-2» документи менен массалык түрдө кошумча тизмеге кишилерди тургузуп, акча таратып жатканын айтышууда.