ТРАНСПОРТ МИНИСТРЛИГИНЕ ТЕХНИКАЛАР БЕРИЛДИ
Президент Садыр Жапаров Транспорт жана коммуникациялар министрлигине 265 даана жаңы атайын техникаларды тапшырды. Алар жолдорду курууга, оңдоого жана тазалоого колдонулат. Бул тууралуу президенттин басма сөз кызматы кабарлады.
Мамлекет башчысы салтанаттуу иш-чаранын жүрүшүндө жол инфраструктурасын өнүктүрүүгө өзгөчө көңүл бурулуп жатканын белгиледи.
Белгилей кетсек, мындан бир ай мурда Транспорт жана коммуникациялар министрлигине 84 даана жаңы атайын техникалар тапшырылган.
ЖОГОРКУ ОКУУ ЖАЙЛАРГА КАБЫЛ АЛУУ
2023-2024-окуу жылына Жалпы республикалык тестирлөөнүн жыйынтыгы боюнча жогорку окуу жайларга абитуриенттерди тандоо жана кабыл алуу 17-июлда башталды. Бул тууралуу Билим берүү жана илим министрлиги билдирет.
Сынакка катышуу үчүн абитуриенттер өтүнмөлөрдү жана документтерди “Абитуриент онлайн” электрондук автоматташтырылган маалыматтык системасы аркылуу тапшырат.
Жогорку окуу жайларга кабыл алуу төрт этапта жүргүзүлөт. I тур – 17-июлдан 19-июлга чейин, II тур – 24-июлдан 26-июлга чейин ал эми III тур – 31-июлдан 2-августка чейин өтөт.
БАНГИЗАТ МЕНЕН 5 АДАМ КАРМАЛДЫ
Ноокат районунда 3 килограммга жакын баңгизат менен беш жаран кармалды. Бул тууралуу Ош облустук ички иштер башкармалыгынан билдиришти.
Маалыматка ылайык, райондук милиция бөлүмүнүн кызматкерлерине баңгизатын мыйзамсыз колдонуп, сатып жүргөн жарандар тууралуу маалымат келип түшкөн. Анын негизинде кылмыш иши козголуп, ыкчам-иликтөө иш-чараларын жүргүзүүдө кылмышка шектүү катары Кара-Суу районунун 26 жаштагы тургуну Ж.уулу Д. Ош шаарынан кармалган. Ыкчам тергөө амалдарынын жүрүшүндө баңгизаттарды сатуу каналдары жана аларды сактоочу жайлар аныкталып, кылмышка шектүү катары Кара-Суу районунун 40 жаштагы, 39 жаштагы, 43 жаштагы жана 26 жаштагы тургундары кармалган. Алардын үйлөрүн жана автоунааларын тинтүү учурунда 2 кг 869 гр өзгөчө жыты бар зат табылып алынган. Кармалгандар Ноокат райондук ички иштер бөлүмүнүн убактылуу кармоочу жайына киргизилди.
Президент Садыр Жапаров бүгүн, 7-майда иш сапары менен Россия Федерациясына жөнөп кетти. Иш сапардын алкагында …
Президент Садыр “Кыргыз Республикасынын айрым мыйзам актыларына (“Жер казынасы жөнүндө”, “Биосфералык аймактар жөнүндө” Кыргыз Республикасынын …
Президент Садыр Жапаров бүгүн, 6-майда Ош облусуна болгон жумушчу сапарынын алкагында Барак эксклавынан көчүп чыккан …
Президент Садыр Жапаров бүгүн, 6-майда, бир күндүк жумушчу сапары менен Ош облусуна барат. Маалыматка караганда, …
Президент Садыр Жапаров бүгүн “Үч чоку” кластерин өнүктүрүү планынын бетачарына арналган жумушчу жолугушуу өткөрдү. Мамлекет …
Президент Садыр Жапаров бүгүн кыргыз-тажик чек арасындагы куралдуу кагылышуудан курман болгон жарандарды эскерүүгө байланыштуу кыргызстандыктарга …
