ЖЭЭНБЕКОВ БАТКЕНГЕ КЕТТИ
Президент Сооронбай Жээнбеков өлкөнүн аймактарына иш сапарларын улантууда. Бүгүн, 10-мартта мамлекет башчысы Баткен облусуна эки күндүк иш сапары менен учуп кеткенин басма сөз кызматы билдирди.
Иш сапардын жүрүшүндө Сооронбай Жээнбеков калкты таза суу менен камсыздоо, ирригация түйүндөрүн кеңейтүү, ошондой эле инфратүзүм жана айыл чарба долбоорлорунун ишке ашуусу менен таанышат. Мындан сырткары Баткен облусунун билим берүү, социалдык жана маданий объектилеринин абалынан кабар алат. Президент ошондой эле Лейлек районунун тургундары менен жолугушуу өткөрөт.
Үстүбүздөгү жылдын февраль айында мамлекет башчысы Чүй облусунун Ысык-Ата районуна барган болчу.
ЖАШ КЫЗДЫ СҮЗҮП КЕТКЕН КИШИ КАРМАЛДЫ
Милициянын кайгуул кызматынын маалыматы боюнча милиция кызматкерлери тарабынан жөө жүргүнчүнү сүзүп, өзү качып кеткен айдоочу табылды.
Маалыматка ылайык, окуя Садырбаев менен Семетей көчөлөрүнүн кесилишинде 2-март күнү болжол менен саат 11:30 чамасында болгон. Айдоочу 2008-жылы туулган кызды сүзүп, качып кеткен. Кырсыктын кесепетинен жабырлануучу кыз №3 шаардык ооруканага жеткирилген.
«Издөө иш-чараларынын жүрүшүндө 7-мартта «Мазда» үлгүсүндөгү унаанын 1965-жылы туулган айдоочу кармалды. Ал Бишек ШИИБдин тергөө бөлүмүнө өткөрүлдү. Бул факт Жазык кодексиндеги 155-берене (автотранспорттук каражаттардын кыймылынын жана аларды пайдалануунун коопсуздук эрежелерин бузуу) боюнча Кылмыштар жана жоруктардын бирдиктүү реестрине катталды», — деп айтылат маалыматта.
“КЫРК ЧОРОНУН” ЛИДЕРИНЕ АЙЫП САЛЫНДЫ
«Кырк чоро» кыймылынын лидери Замир Көчөрбаевге 3000 сом айып салынды. Бул тууралуу бүгүн, 10-мартта АКИpress агенттигине З.Көчөрбаев өзү билдирди.
Анын айтымында, өзүнө жана дагы башка адамдарга Бузуулар жөнүндө кодекстин 82-беренеси (ички иштер органдарынын кызматкеринин мыйзамдуу талабына баш ийбөө) боюнча айып чегерилди. Ал кыймылдын мүчөлөрү Бишкекте өткөн аялдар маршында эч кандай эреже бузбаганын кошумчалады.
Буга чейин Свердлов РИИБ билдиргендей, аялдар маршына катышкан 6 аял кишиге жана 5 эркек адамга айып салынган.
Грузияда «чет элдик агент» мыйзам долбооруна каршы акция өтүп жатат. Бул тууралуу чет элдик басылмалар жазды. …
Президент Садыр Жапаров «Жарандардын ден соолугун тамекини, никотинди керектөөнүн кесепеттеринен жана айланадагы тамеки түтүнүнүн жана …
Жол эрежесин бузган айдоочуларга салынган айып пулдун кошумча тууму жокко чыгарылды. Бул тууралуу ЖКККББнын маалымат …
ЖАПАРОВДУН КИТЕБИ ИЛИМДЕР АКАДЕМИЯСЫНА БЕРИЛЕТ Президент Садыр Жапаровдун “Жаңы Кыргызстанды куруунун багыты” аттуу китеби 1500 …
ЖЭБДИ КАЛЫБЫНА КЕЛТИРҮҮ Министрлер кабинетинин төрагасы Акылбек Жапаров Бишкек жылуулук электр борборундагы штаттык эмес кырдаалдын …
ЖАПАРОВ ЖЭБГЕ БАРДЫ Президент Садыр Жапаров бүгүн Бишкек шаарындагы Жылуулук электр борборун калыбына келтирүү иштеринин …
