Жазуучу, драматург, ТҮРКСОЙ уюмунун баш катчысы Султан Раев фейзбуктагы баракчасына Париж жана Олимпиада деген темада ой толгоосун жазып, спорттун күчү, кыргыздын мүнөзүнө токтолду.
Бир жумадан бери дүйнөнүн байрагы сүйүүнүн улуу шаарында желбирди. Ошол туулардын катарында кыргыздын кызыл желеги желбиреп турат. Спорт — күчтүн гана эмес, эң оболу духтун күрөшү, ички моралдын күрөшү. Бүгүн биз бири-бирибизге ар кандай сөз жаадырбай, улуу спортту түшүнүүнүн маданиятына келдик. Париж олимпиадасы биздин чыныгы жүзүбүздү ачты, ал жүз кыргыз мүнөзү! Эгерде кыргыздын духу, руху деп, куру сезим менен оозубузду кургак чөп менен арчысак, анда али да болсо биз табияттан бүткөн касиетибизди аңдабаган болобуз.” Күч атасын тааныбайт” дейт кыргызда, бу улуу сөздүн төркүнү күчтүн бийик моралында жатат. Күч качан гана элди бир булчуң, бир муштум сезимге бириктирсе, биз күчтүн улуу касиетин сезебиз!
Бу спорт биздин мекенге болгон Чыныгы сезимибизди, мекенчил касиетибизди ойготту! Уул-кыздарыбыздын Улуу Жеңиши, Улуу секиси ушу болду. Спортчуларыбыз күчтүн кааруусун эмес, кыргыз мүнөзүнун кылыч мизиндей күчүн көрсөттү! Ошол мүнөздө кыргыз руху, улут духу, менталитетти жатат, улут да, мамлекет да ушул башаттан башталат… Бул жеңиш кыргыз мүнөзүнүн жеңиши болду! Эчен кылым карыткан күчүбүздүн сакралдык касиети да, кыргыздын кыргыздыгы да ушул канатта, ушул аманатта жашап келет! Улут качан жоголот, улут майдачыл сезимдин туткунунда калганда! Баарынан бийик болуу бу күч менен өлчөнбөйт ал сапат менен өлчөнөт! Кишиден адамга, жарандан атуулга, жерчилдиктен мекенчилдикке, уруудан улутка, саясаттан аң-сезимдүүлүкө өсүп жетүүбүздүн өзүндө да нукура улут мүнөзүнүн калыптанышы турат…
Ошол бийик түшүнүктүү кыргыз спортчулары дагы бир жолу акылыбызга гана эмес, жүрөгүбүзгө салды!
Париж адам цвилизациясынын борбору, ошол борбордо кыргыздын карапайым уул-кыздары Улутун даңктап олтурат. Алтындан өйдө турган улут намысынын желегин бийик көтөрдү!
P.S. Бул ойду жазууга бардык спортчуларыбыздын, айрыкча Мээрим менен Мунарбектин жеңиши түрткү берди…
Балбан Бекзат Алмаз уулу Хорватиянын Загреб шаарында өтүп жаткан дүйнө чемпионатынын финалына чыкты. Бул тууралуу …
Кыргызстандык суучул Денис Петрашов Будапештте өтүп жаткан суу спорту боюнча дүйнө чемпионатында финалга чыкты. Федерациядан …
Кыргызстандык балбан Раззак Бейшекеев жаштар арасындагы дүйнөлүк чемпионаттын финалына чыкты. Мелдеш 23 жашка чейинки балбандар …
Астанада Көчмөндөр оюндары кызыктуу уланууда. Кыргызстан менен Россиянын көк бөрү боюнча командалары беттешти. Оюн абдан …
Париж олимпиадасында күмүш медалга ээ болгон мушкер Мунарбек Сейитбек уулу бүгүн сүйүктүүсү менен баш кошту. …
Парижде мушкер Мунарбек Сейитбек уулуна секундант болгон өзбекстандык машыктыруучу Акмаль Хасанов сыйланды. Бул тууралуу Чыңгыз …
