Ташкент облусундагы Бука райондук ички иштер бөлүмүнүн имаратында кыйноого кабылды делген 36 жаштагы жаран каза болду.
Өзбекстандын Ички иштер министрлиги (ИИМ) бул окуяга байланыштуу райондук милиция бөлүмүнүн бардык жетекчилери кызматтан алынганын, эки ыкчам кызматкер камалганын кабарлады. Бирок расмий билдирүүдө укук коргоо органдарынын кызматкерлери кыйноо колдонгону жөнүндө эч нерсе айтылган эмес. Болгону маркумдун денесинде көгала тактар болгону белгиленген.
Коомчулукка бул окуя тууралуу маркумдун туугандары нааразылык билдиргенден кийин гана белгилүү болду. Жакындары райондук ички иштер бөлүмүнө барып, дарбазасын тепкилеп, ичкери кирүүгө аракет кылышкан.
Маалыматка караганда, маркум уурулук шеги менен 3-июнда кармалган. Кылмыш иликтөө бөлүмүнүн кызматкерлери процессуалдык эрежелерди бузуу менен аны тергөө бөлмөсүндө эмес, кызматтык бөлмөдө суракка алышкан. Сурак учурунда анын абалы начарлап, тез жардам чакыртылган.
Соттук-медициналык экспертизанын жыйынтыгына ылайык, маркум курсак туштан сокку алып, муунтулганы аныкталган.
22-майда Сурхандарыя облусунун 21 жаштагы жашоочусу сурак учурунда ажатканага суранып чыгып, төртүнчү кабаттан секирип кеткени айтылган. Ал 29-майда өзүнө келбей, ооруканада көз жумган. Жакындары ал кыйноого кабылганын билдирүүдө.
Эл аралык Human Rights Watch (HRW) укук коргоо уюмунун 24-майда жарыялаган баяндамасында Өзбекстандагы жабык мекемелерде кыйноо жана ырайымсыз мамиле өкүм сүрүп жатканы айтылат.
Чет мамлекеттердеги тергөө абактарында Кыргызстандын 788 жараны сот чечимин күтүп отурат. Алардын 742си Орусияда. Бул …
16-22-май күндөрү күтүлүп жаткан нөшөрлөгөн жаандан улам Өзбекстандын бир катар аймактарында сел жүрүшү мүмкүн. Бул …
Быйылкы жылдын биринчи чейрегинде Өзбекстанга келген чет элдик инвестициянын көлөмү боюнча Кытай биринчи орунга чыкты. …
Өзбекстанда абитуриенттердин арасындагы атаандаштыкты күчөтүү жана жогорку окуу жайларга (ЖОЖ) тапшырууда адилеттүүлүктү камсыз кылуу максатында …
Өзбекстан быйыл март айында кайрадан дүйнөдөгү эң көп алтын саткан өлкө деп табылды. Дүйнөлүк алтын …
Өзбекстанда Экинчи дүйнөлүк согуштун ар бир катышуучусуна 20 миллион сумдан (1,6 миң доллар) бир жолку …
