Коррупцияга шектелип учурда камакта жаткан УКМКнын Бишкек шаары боюнча мурдагы башчысы Элдар Жакыпбековдун (Эду) аты жазылган Instagram баракчасында жарыяланган билдирүү боюнча Жазаларды аткаруу мамлекеттик кызматы жооп берди. Мекеме тараткан маалыматта №21 мекемеде камакта кармалып жаткан Элдар Жакыпбековдун атынан социалдык тармактардагы баракчаларына билдирүүлөрдү жеке өзү жарыялап жатат деген маалымат чындыкка дал келбей турганын жазып, ал кармалып турган камеранын сүрөтүн кошо тиркеген.
«Учурда Э.Ж. Кыргыз Республикасынын Министрлер Кабинетине караштуу Жазаларды аткаруу мамлекеттик кызматынын №21 мекемесинде жалпы тартипте кармалууда. Ага эч кандай өзгөчө артыкчылыктар берилген эмес. Ал жайгашкан камерада аны менен кошо дагы беш адам кармалууда. Кыргыз Республикасынын мыйзамдарынын жана Кыргыз Республикасынын жаза аткаруу тутумундагы тергөө абактарынын ички тартип эрежелеринин талаптарына ылайык, камакта кармалган адамдар уюлдук байланыш каражаттарын, интернет тармагын жана социалдык тармактарды пайдаланууга укуктуу эмес», – деп айтылат маалыматта.
Кечээ УКМКнын Бишкек шаары боюнча мурдагы башчысы Элдар Жакыпбековдун аты жазылган Instagram баракчасында чыккынчылык тууралуу пост жарыяланган.
Элдар Жакыпбеков ушул жылдын февраль айында кармалган. Ага Кылмыш-жаза кодексинин 336-беренесинин 1-бөлүгү (коррупция) боюнча айып тагылып, ошондон бери тергөө уланууда.
Улуттук коопсуздук кызматынын экс-башчысы Камчыбек Ташиев ага карата кылмыш иш козголгондугу жана «Кемпир-Абад» иши боюнча …
Президент Садыр Жапаров «Кабар» агенттигине кезектеги кыскача маегин куруп, анда мыйзамсыз вебкам студияларды иштеткени үчүн …
№27 түрмөдө жазасын өтөп жаткан жарандык активист, ырчы Аскат Жетиген абак кызматкеринин кыйноосуна кабылганын билдирүүдө. …
Улуттук коопсуздук боюнча мамлекеттик комитеттин Бишкек шаары боюнча башкы башкармалыгынын мурдагы башчысы Элдар Жакыпбеков 15-апрелге …
Ысык-Көл райондук ички иштер бөлүмүнүн убактылуу кармоочу жайынын мурдагы башчысы, милициянын майору Т.К.А. опузалап ача …
Президент Садыр Жапаров IV Элдик курултайдын жүрүшүндө тергөө абагы отурган жана түзөтүү колонияларындагы адамдарды кармоо …
