Токио шаарындагы Олимпиада оюндарына катышып жаткан кыргызстандык сууда сүзүүчү Денис Петрашов бүгүн, 27-июлда 200 метр аралыкка брасс стилинде сүзүү боюнча мелдешке чыкты.
Аталган дисциплинада жалпы 40 спортчу күч сынашты. Алар 5 топко бөлүнгөн болчу.
Петрашов 2-топтогу спортчулар менен жарышып, 2 мүнөт 10,07 секундда маарага биринчи болуп келди. Бирок финалга чыккан 16 спортчунун катарына кире алган жок. Ал жалпы жыйынтык боюнча 18-орунду ээледи.