Чүй облусундагы Аламүдүн суусуна агып кеткен 1 жаштагы кыздын жансыз денеси табылды. Бул тууралуу Өзгөчө кырдаалдар министрлиги билдирди.
Маалыматка караганда, наристенин сөөгү кырсык болгон жерден эки чакырым алыс, дарыянын «Таштар-Ата» дачасынын аймагынан табылган.
Эске салсак, 18-июлда Чүйдөгү эс алуу жайында наристе кыз Аламүдүн суусуна түшүп кетип, кызын куткарам деп 1996-жылы туулган келин сууга түшүп кеткен. Ошол эле күнү келиндин жансыз денеси табылган. Кыз бир жумадан ашык убактын бери изделип жаткан.