Бишкек.19.04.2019.Govori.TV.
Ат-Башы суусуна чөгүп кеткен 5 жашар баланын сөөгү 8 күндөн кийин табылды, — деп билдирет Өзгөчө кырдаалдар министрлигинин басма сөз кызматы.
Маалыматка ылайык, баланын жансыз денеси бүгүн, 19-апрелде болжол менен саат 12:15те Чу дарыясынын Бирлик менен Гроздь айылдарынын ортосундагы бөлүгүнөн табылган. Ал бала түшүп кеткен жерден 12-13 чакырым ылдый болгон.
Белгилей кетсек, 11-апрелде 5 жашар бала Константиновка айылындагы Ат-Башы каналына чөгүп кеткен. Издөө иштерине жалпысынан 133 куткаруучу жана Казакстан ИИМнин Жамбыл облустук Өзгөчө кырдаалдар департаментинен 4 суучул тартылган.
Буга чейин Барсбектин кош бойлуу энесинин абалы начарлап, Саламаттык сактоо министрлиги адистерди жибергени айтылган.
