Бир нече күндөн бери «Чоң Казат» партиясынын мүчөлөрү Сыймык Жапыкеевди таба албай жатышат. Бул тууралуу Vesti.kg сайтына аталган саясий бирикменин депутаттыгына талапкер Асхат Осмонов билдирген.
Анын айтымында, Жапыкеевдин телефону өчүрүлгөн.
«Биз аны бир нече күндөн бери таба албай жатабыз», — деп билдирген Осмонов.
Ошол эле учурда Жапыкеевдин Фейсбуктагы баракчасында 22 саат мурун «Карапайым эл министрлер кабинетинин жаңы башчысы Садыр Жапаровду колдойт» деп жарыяланган билдирүү пайда болгон.
Эскерте кетсек, митингден кийин Сыймык Жапыкеев башкы прокурордун милдетин аткаруучу болгону тууралуу буга чейин маалыматтар тараган болчу.