Түркмөнстанда миграциялык кызмат ботокс жасатып, кошумча кирпик, жасалма тырмак чаптатып алган аялдарды аэропортто эл аралык каттамдарга өткөрбөй жатат. Бул тууралуу “Азаттыктын” түркмөн кызматынын кабарчысы билдирди.
Ал жүргүнчүлөрдүн тизмесинен алынган бир нече аялдар менен сүйлөшкөн.
«Миграция кызматкерлери бул жогору жактан берилген буйрукка негизлегенин билдиришүүдө. «Кеткиңер келсе, эриндеги ботоксту жана башка сулуулук үчүн жасалган жасалма нерселерди алгыла деп айтып жатышат. Сиздики жасалма эрин экен, муну компьютердеги жүз таануу программасы да аныктай албайт. Эгер сиз паспорттогудай табигый түрдө көрүнбөсөңүз өткөрө албайбыз» деп жатышат”, — деди өткөн аптада Ашхабаддан Дубайга уча албай калган Балкан облусунун тургуну.
Мяхри аттуу аял болсо, косметикалык процедуралардан улам эл аралык каттамдардан алып таштоо каржылай чыгым менен коштолуп жатканын белгиледи. Анын айтымында, Дубайга билет алып жатканда мындай чектөөлөр тууралуу эскертишпейт.
«Учактын билетинде бул жөнүндө жазылган эмес. Учууга төрт саат калганда гана миграция кызматкерлери аялдарды текшерип, учакка өткөрбөй жатышат. Биринчиден, бул каржылай жактан чоң жоготуу, экинчиден, психологиялык кысым. Жүрүү эркиндиги, гендердик укук бузулуп жатат», – деди ал.
Түркмөнстанда мартта бийликке мурдагы президент Гурбангулы Бердымухаммедовдун уулу Сердар Бердымухамедов келгенден кийин түркмөн жарандарына, айрыкча аялдардын тышкы келбетине көзөмөл күчөдү. Көчөдө жасалма тырмак жана кирпик чаптап алгандарды кармоо учурлары көбөйгөн. Бул эрежелерди сактабаган аялдарды кармашып, айып пул салышып, атүгүл жумуштан бошотушууда.
Кызмат өтөө шарттарынын оордугунан улам Түркмөнстандын Куралдуу күчтөрүнөн офицерлердин жапырт кетүүсү байкалууда. Бул тууралуу «Азаттык» …
Түркмөнстандын Балкан облусундагы бир нече мамлекеттик ишкананын жумушчулары 4-5 айдан бери маяналарын ала элек. Бул …
Түркмөнстандын баш калаасы Ашхабад шаарындагы инфекциялык ооруканаларда кызылча (корь) менен ооруган балдар көбөйүүдө. Бул тууралуу …
Түркмөнстандын Балкан облусунда 25ке жакын адам түз эле аэропорттон аскерге чакырылды. Алар Орусиянын Саратов мамлекеттик …
Түркмөнстандын баш калаасы Ашхабад шаарында кайрадан VPN орноткон жарандар кармалып, айрымдары 15 суткага камакка алынууда. …
Түркмөн бийлиги калкты пахта терүүгө мажбурлоо чараларын болуп көрбөгөндөй катаалдатты. Мары облусунда жол эрежесин бузгандар, …
