Түркмөнстандын өкмөтү өлкө калкынын саны жети миллиондон ашканын жарыялады. Бирок эксперттик чөйрөдө бул эсеп күмөн жаратууда.
14-июлда Мамлекеттик статистика кометитинин төрагасы Довлатгелди Аманмухамедов түркмөнстандыктардын саны 7 миллион 57 миң 841 кишиге жеткенин билдирген. Анын айтымында, жарандардын 50% көбүн аялдар түзөт. Элдин 47% көбүрөөгү шаардыктар, 53% жакыны айылдыктар деп бөлүнгөн.
Түркмөнстан соңку 16 жылдан бери калктын саны тууралуу расмий маалымат жарыялаган эмес. Акыркы жолу 2006-жылы өлкөдө 6,7 миллион адам жашай турганы айтылган.
«Азаттыктын» түркмөн кызматынын бири-биринен көз карандысыз бир канча булактары өлкөдө акыркы кезде балдар аз төрөлүп жатканын, айрым аймактарда элдин саны азайып баратканын билдиришти. Алар жүз миңдеген түркмөндөр Орусия менен Түркиянын жарандыгын алганын да мисал келтиришти.
Өкмөткө жакын булак бийлик калктын санын көбөйтүп жарыялаганын, бул кадам — «Түркмөнстан — Борбор Азия чөлкөмүндө эли эң аз өлкө» деген мүнөздөмөдөн арылуу максатында жасалганын билдирди.
Бейрасмий булактар өлкө калкынын саны 5 миллионго жетпеши мүмкүн деп эсептешет.
Кызмат өтөө шарттарынын оордугунан улам Түркмөнстандын Куралдуу күчтөрүнөн офицерлердин жапырт кетүүсү байкалууда. Бул тууралуу «Азаттык» …
Түркмөнстандын Балкан облусундагы бир нече мамлекеттик ишкананын жумушчулары 4-5 айдан бери маяналарын ала элек. Бул …
Түркмөнстандын баш калаасы Ашхабад шаарындагы инфекциялык ооруканаларда кызылча (корь) менен ооруган балдар көбөйүүдө. Бул тууралуу …
Түркмөнстандын Балкан облусунда 25ке жакын адам түз эле аэропорттон аскерге чакырылды. Алар Орусиянын Саратов мамлекеттик …
Түркмөнстандын баш калаасы Ашхабад шаарында кайрадан VPN орноткон жарандар кармалып, айрымдары 15 суткага камакка алынууда. …
Түркмөн бийлиги калкты пахта терүүгө мажбурлоо чараларын болуп көрбөгөндөй катаалдатты. Мары облусунда жол эрежесин бузгандар, …
