Кыргыз Республикасынын Президентинин 2021-жылдын 29-январындагы № 2 «Мамлекеттик жаны кадр саясаты женунде» Жарлыгын ишке ашыруу максатында, Кыргыз Республикасынын Мамлекеттик кадр кызматы жергиликтуу мамлекеттик администрацияларынын башчыларын жана алардын орун басарларын аттестациялоодон өткөрүү башталгандыгы жөнүндө жарыялайт.
Аттестациялоонун максаты — жергиликтуу мамлекеттик администрациялардын башчыларынын жана алардын орун басарларынын моралдык-адеп-ахлактык сапаттарын эске алуу менен, квалификациясынын, кесипкөйлүгүн деңгээлин аныктоо.
Аттестациялоо 2021-жылдын март айында өткөрүлөт.
Бул тууралуу Мамлекеттик кадр кызматынын директору Абдрахман Маматалиев маалымат берүүдө.
Конкурс үч этаптан өткөрүлөт:
Биринчи этап – талапкердин эмгек тажыйрбасы, ишинин тармагы жана билими боюнча квалификациялык талаптарга туура келиши боюнча документтерин карап чыгуу.
Экинчи этап – компьютердик тестирлөө.
Үчүнчү этап – Мамлекеттик кадр кызматы тарабынан түзүлгөн конкурсттук комиссиянын мүчөлөрү менен аңгемелешүү.
Улуттук кадрлар резервинде турган адамдар түздөн-түз аңгемелешүү этабына киргизилет.
Коомчулукту тааныштыруу максатында Региондук резервидин түзүлгөн курамы Мамлекеттик кадр кызматынын веб-сайтына жайгаштырылат.
Конкурска катышуу үчүн төмөнкү документтер тапшырылат:
– тиркемедеги формага ылайык өзүнүн арызы;
– тиркемедеги формага ылайык резюмеси, сүрөтү;
– нотариустан же акыркы иштеген жеринен күбөлөндүрүлгөн негизги жана кошумча билимин ырастаган документтердин көчүрмөлөрү;
– нотариустан же акыркы иштеген жеринен күбөлөндүрүлгөн эмгек китепчесинин көчүрмөсү;
– илимий даражаны жана илимий наамды ыйгаруу жөнүндө документтердин көчүрмөлөрү (бар болсо);
– паспорттун көчүрмөсү (түп нускасы конкурска келгенде көрсөтүлөт).
Документтерди кабыл алуу мөөнөтү: 2021-жылдын 1-мартынан башталып, 2021-жылдын 1-апрелинде саат 18-00 аяктайт.
