Жогорку Кеңештин алтынчы чакырылыштагы курамы бүгүн, 10-октябрда кезексиз жыйынга чогулат. Анда президенттин Бишкек шаарынын аймагына өзгөчө абал киргизүү тууралуу жарлыгы, спикердин милдетин аткаруучу Мыктыбек Абдылдаевди бекитүү, өкмөт башчылыкка көрсөтүлүп жаткан талапкерлер каралат.
Ошол эле кезде Садыр Жапаровдун тарапташтары өкмөт үйүнүн алдына чогулушту. Митинг уланууда. Садыр Жапаровдун тарапташтары митингчилерди маданияттуулукка чакырышты.