Бүгүн, 26-апрелде белгилүү драматург, кинодраматург, публицист жана жазуучу, коомдук жана саясий ишмер Бексултан Жакиевди акыркы сапарга узатуу зыйнаты өттү.
Опера жана балет театрынын алдында өткөн иш-чарага Жогорку Кеңештин төрагасы Талант Мамытов, премьер-министр Улукбек Марипов, экс-президент Сооронбай Жээнбеков, маркумдун жакындары жана коомчулук өкүлдөрү катышты.
Бексултан Жакиев 25-апрелде катуу оорудан улам 85 жаш курагында дүйнөдөн кайтты. Маркумдун өөгү “Ала-Арча” көрүстөнүнө коюлат.
