Бишкектеги А. Токомбаев жана Сухэ-Батор көчөлөрүнүн кесилишинде жол кырсыгы катталды.
Милициянын кайгуул кызматынын басма сөз кызматынан кабарлашкандай, кырсык 7-мартта болжол менен эртең мененки саат 8:10да болгон.
Алдын ала маалыматка караганда, Honda Fit унаасынын айдоочусу рулду башкара албай калып, электр түркүгүн сүзүп алган. Жыйынтыгында унаанын ичиндеги жүргүнчү каза болгон, учурда маркумдун өздүгү такталууда.
Окуянын чоо-жайын териштирүү иштери жүргүзүлүүдө.
