Бүгүн, 31-мартта Жогорку Кеңештин төрагасы Талант Мамытов БУУнун Башкы катчысынын Борбордук Азия боюнча атайын өкүлү, БУУнун Борбордук Азия үчүн алдын ала чара көрүү боюнча аймактык борборунун башчысы Наталья Германды кабыл алды. Бул тууралуу ЖКнын басма сөз кызматынан кабарлашты.
Ошондой эле жолугушууга БУУ системасынын Кыргызстандагы туруктуу координатору Ожиело Озонния, Жогорку Кеңештин депутаты Бактыбек Турусбеков менен парламенттеги айым депутаттарынын форумунун төрайымы, депутат Гүлшат Асылбаева катышты.
Тараптар Кыргызстан менен Бириккен Улуттар уюмунун кызматташтыгын кеңири талкуулап, 2021-жылдагы шайлоолорго жана өлкөдөгү эпидемиологиялык абалга тиешелүү маселелер боюнча да пикир алмашты.
Төрага Талант Мамытов жакында өтүүчү ири саясий окуялар тууралуу маалымат берип, айрыкча 11-апрелде боло турган референдум жана жергиликтүү кеңештин депутаттарын шайлоого байланышкан даярдыкка токтолду. Буга байланыштуу төрага добуш берүү жараяндарынын ачык-айкындуулугун камсыздоо багытында улуттук жана эл аралык уюмдардын, анын ичинен БУУнун Өнүктүрүү программасынын өкүлдөрү да байкоочу катары чакырылганын кошумчалады.
Өз кезегинде Бириккен Улуттар уюмунун Башкы катчысынын атайын өкүлү Наталья Герман боло турган шайлоо жараяндары калктын бардык катмарынын катышуусунда таза жана ачык-айкын өтөөрүнө ишеним артаарын билдирди. Андан сырткары, Кыргызстанда алгач ирет жергиликтүү кеңештерде аялдар үчүн 30%дык квотанын киргизилишин канаттануу менен белгилеп, буга ылайык, айылдарда айым депутаттардын саны артаары күтүлүп жатканын жүйө келтирди.
Муну менен катар жолугушууда Кыргыз Республикасынын Конституциясынын жаңы долбоору кабыл алынса мыйзамдарды ага шайкеш келтирүү маселелери боюнча сөз болду. Бириккен Улуттар уюмунун Башкы катчысынын атайын өкүлү Наталья Герман белгилегендей, Жогорку Кеңештин алдында мыйзамдык базаны инвентаризациялоо боюнча чоң иштер турат. Андыктан, ал 11-апрелден кийин демократияны өнүктүрүү жана адам укугун коргоо багытындагы мыйзамдык базаны инвентаризациялоого эксперттик жана техникалык алкакта жардам көрсөтүүгө даяр экендигин билдирди.
Жолугушуу соңунда төрага Талант Мамытов Кыргыз Республикасы демократияны өнүктүрүү жана адам укугун коргоо багытындагы иштерин уланта берерин белгилеп, андан тышкары бардык эл аралык милдеттемелерин аткарарын кошумчалады.
5-апрелде КР Тышкы иштер министринин биринчи орун басары Асеин Исаев Бириккен Улуттар Уюмунун Качкындар боюнча …
БУУнун Туруктуу координатору 2024-жылдын 14-мартында коммерциялык эмес уюмдар жөнүндө мыйзамга жарандык коомдун ишмердүүлүгүнө негизсиз чектөөлөргө …
Министрлер кабинетинин төрагасынын орун басары Эдил Байсалов Бириккен улуттар уюмунун Өнүктүрүү программасынын жаңы дайындалган туруктуу …
Бүгүн, 23-июнда Жогорку Кеңештин Эл аралык иштер, коргоо, коопсуздук жана миграция боюнча комитетинин Кыргыз Республикасында …
Өзбекстан Бириккен Улуттар Уюмунун (БУУ) Европалык экономикалык комиссиясынын радиоактивдүү калдыктар көмүлгөн жайлардын коопсуздугун камсыздоо боюнча …
Бириккен Улуттар Уюму (БУУ) талибдерди жергиликтүү аялдардын иштөөсүнө уруксат берүүгө көндүрө албаса, бул өлкөдөгү долбоорлорун …
