Бүгүн, 23-июнда Жогорку Кеңештин төрагасы Талант Мамытов Түрк тилдүү өлкөлөрдүн Парламенттик ассамблеясынын Кеңешинин отурумдарына катышуу үчүн Чолпон-Ата шаарына келген Казакстан парламентинин Мажилисинин төрагасы Ерлан Кошанов менен жолугушту. Бул тууралуу парламенттин басма сөз кызматы кабарлады.
Жолугушууда саясий-экономикалык, маданий-гуманитардык алакаларды арттыруу маселелери талкууланып, парламенттер аралык кызматташтыкты кеңейтүү тууралуу сөз болду.
Төрага Талант Мамытов быйыл эки мамлекет ортосундагы дипломатиялык алакалардын түзүлгөндүгүнө 30 жыл толоорун белгилеп: «Бирок биздин тарыхый байланыштарыбыз терең, кыргыз-казак эзелтен эриш-аркак жашап келген боордош эл. Андыктан калыптанган бир туугандык жана достук мамилелерди мындан ары да жигердүү улантуубуз кажет. Айрыкча соода байланышын чыңдоо башкы максатыбыз болушу шарт», — деди.
Өз кезегинде Казакстан Республикасынын парламентинин Мажилисинин төрагасы Ерлан Кошанов эки элдин кызматташтыгы жогорку деңгээлде экенин белгилеп, мамлекеттер аралык алакаларды арттырууга керектүү мүмкүнчүлүктөр арбын экенине токтолду.
Муну менен катар Ерлан Кошанов Жогорку Кеңештин Төрагасы Талант Мамытовду Казакстанга расмий иш сапар менен келип кетүүгө чакырды.
Эскерте кетсек, 24-июнда Ысык-Көл облусунун Чолпон-Ата шаарында Түрк тилдүү өлкөлөрдүн Парламенттик ассамблеясынын Кеңешинин жыйыны жана XI пленардык отуруму өтөт. Иш-чаранын алкагында Жогорку Кеңештин төрагасы Талант Мамытов жыйынга чакырылган парламенттик делегациялардын башчылары менен бир катар жолугушууларды өткөрүүдө.
Бүгүн, 5-октябрда Жогорку Кеңештин төрагасы Талант Мамытов кызматынан өз каалоосу менен кетти. Анын ордуна жаңы …
Жогорку Кеңештин төрагасы Талант Мамытов кызматын тапшырды. Бул тууралуу ал өзү Жогорку Кеңештин жалпы жыйынында …
КР Жогорку Кеңешинин төрагасы Талант Мамытов 23-сентябрь – Мамлекеттик тил күнүнө карата жалпы кыргызстандыктарды куттуктады. …
Мамлекет башчы Садыр Жапаров кыргыз-тажик чек арасындагы кырдаалга байланыштуу бүгүн кечинде жыйын өткөрөт. Бул тууралуу …
«Кыргыз Республикасынын эмгек сиңирген юристи» ардак наамы менен Жогорку Кеңештин төрагасы Талант Мамытов сыйланды. Тийиштүү жарлыкка өлкө башчы …
Жогорку Кеңештин төрагасы Талант Мамытов кыргызстандыктарды 31-август – Эгемендүүлүк күнү менен куттуктады. Парламенттин басма сөз …
