Жогорку Кеңештин төрагасы Талант Мамытов кыргызстандыктарды 1-май — Эмгек майрамы менен куттуктады.
Парламенттин басма сөз кызматы билдиргендей, төраганын куттуктоосунда мындай деп айтылат:
«Кымбаттуу кыргызстандыктар!
Сиздерди Кыргыз Республикасынын Жогорку Кеӊешинин жана жеке өзүмдүн атымдан 1-май – Эмгек майрамы менен чын дилимден куттуктайм!
Жалпы элди тең укуктуулукка жана тилектештикке үндөп, ошол эле учурда кайратмандыкка жана эмгекчилдикке чакырган бул күндүн дүйнө тарыхындагы орду өзгөчө. Анткени алгач бул күн 1889-жылы Париж интернационалдык конгресси тарабынан Эмгекчилердин эл аралык тилектештигинин күнү катары белгилене баштаган. Андан бери узак убакыт өтсө да бул күндүн мааниси жоголбой, кызуу майрамдалып келет.
Эзелтен эмгектен бакыт, мээнеттен ырыскы издеген кыргыз эли маңдай тер менен табылган адал оокаттын баркын жакшы түшүнгөн. Эмгекти өмүрдүн булагы, жашоонун негизи катары санап, дайыма жалпы жүктү жабыла көтөрүшкөн. Андыктан мындан аркы эгемен мамлекетибиздин жаркын келечеги да, ар бир жарандын талыкпас эмгегинен көз каранды. Баарыбыз өлкөбүз үчүн, Кыргызстаныбыздын эртеӊи үчүн талыкпай кызмат кылалы. Маалымат алмашуу тездеп, инновациялык технологиялар жана автоматташкан жабдуулардын жаӊы түрү көбөйгөн сайын, кол эмгеги менен акыл эмгегин айкалыштыруу учурдун башкы талабы болууда. Руханий көрөӊгөбүздү жана салттык баалуулуктарыбызды сактоо менен катар заманбап каражаттарды да өздөштүрүүбүз кажет.
Урматтуу мекендештер!
Жаз менен кошо жарыша келген Эмгек майрамынын алкагында ар бирибиз көчөт тигип, өлкөбүздү көрктөндүрөлү. Президент тарабынан демилгеленген быйылкы «Жашыл мурас» өнөктүгүн жигердүү улантып, гүлдөгөн Кыргызстанды куралы.
Дагы бир жолу майрамыӊыздар менен! Жергебизде тынчтык болуп, жашообуз жакшылыктарга толсун. Ар бириӊиздерге ден-соолук жана бакыт каалайм!».
Өзбекстандын президенти Шавкат Мирзиёев Кыргызстандын элин жана президент Садыр Жапаровду Рамазан айынын башталышы менен куттуктады. …
Президент Садыр Жапаров бүгүн кыргызстандыктарды ыйык Орозо (Рамазан) айынын башталышы менен куттуктады. Мамлекет башчысынын куттуктоосу: …
Президент Садыр Жапаров бүгүн, 5-мартта кыргызстандыктарды Ак калпак жана улуттук кийимдер күнү менен куттуктады. Мамлекет …
Кыргыз Республикасынын Президенти Садыр Жапаров бүгүн, 5-мартта, Кыргыз Республикасынын сот тутумунун кызматкерлерин куттуктады. Мамлекет башчысынын …
Президент Садыр Жапаров Тамаш Шуйокту Венгриянын Президенти кызматына шайланышы менен куттуктады. Бул тууралуу өлкө башчынын …
Бүгүн, 26-февралда Жогорку соттун төрагасы Замирбек Базарбеков ЖМК өкүлдөрү үчүн маалымат жыйын уюштуруп, коомдогу актуалдуу маселелер …
