Талант Мамытов Жогорку Кеңештин төрагасы болуп шайланды
Талант Мамытов Жогорку Кеңештин төрагасы болуп шайланды
4 Жетинин айы 2020 12:56 Бишкек Govori.TV
Жогорку Кеңештин төрагасы болуп шайланды. Аны колдоп, 100 депутат добуш берди.
Жогорку Кеңештин бүгүнкү жыйынында «Республика-Ата Журт» фракциясы төрагалыкка талапкер катары депутат Талант Мамытовду сунуштаган.
Белгилей кетсек, «Кыргызстан» фракциясынын лидери, Жогорку Кеңештин төрагасы Канатбек Исаев бүгүн,4-ноябрда парламенттин жыйынында президенттик шайлоого катыша турганын жарыялап, Жогорку Кеңештин төрагасы кызматын тапшырды.
Талант Мамытов 1976-жылдын 14-мартында Жалал-Абад областынын Майлуу-Суу шаарында туулган. Жогорку билимдүү. 1983-жылы Майлуу-суу шаарындагы №5 орто мектепти аяктап, 1993-жылы Жусуп Баласагын атындагы Кыргыз улуттук Университетинин юридика факультетине тапшырган.
Эмгек жолу:
2000-жылы Баткен облустук прокуратурасында мыйзамдарды жана прокуратуранын мыйзамдуу укуктуу актыларын аткарууну көзөмөлдөө боюнча бөлүмдө иштөө менен баштаган.
2001-2002-жыл — Жалал-Абад облусунун прокуратурасынынмыйзамдарга соттук токтомдордун ылайык келишин көзөмөлдөө боюнча бөлүмгө прокурор.
2002-2004-жыл — Жалал-Абад шаардык прокуратурасында улук тергөөчүсү.
2004-2005-жыл — Чаткал райондук прокуратурасында прокурордун жардамчысы.
2005-2006-жыл — Кыргызстандын башкы прокуратурасынын уюштурууну камсыз кылуу жана Эл аралык байланыштар башкармалыгы бөлүмүнүн прокурору.
2006-жыл – Чүй облусунун Ысык-Ата районунун прокурорунун орун басары.
2006-2007-жыл — Жалал-Абад облусунун Сузак районунун прокурорунун орун басары.
2007-2009-жыл — Жалал-Абад облусунун Тогуз-Торо районунун прокурору.
2010-жыл, январь — прокуратура органдарынан өз каалоосу боюнча бошогон.
2010-жылы Жогорку Кеңештин V чакырылышына «Ата-Журт» саясий партиясынан тизме боюнча депутат болгон.
2012-жыл — 3-октябрда «Ала-Тоо» аянтында «Кумтөр» кенин улутташтыруу боюнча митингге чогулгандар параламенттин имаратына кирүүгө аракет кылышып, топтолгондор Ак үйдү көздөй бет алган. Аларды милиция кууп тараткан. Ал эми «Ата-Журт» лидери Ташиев баш болгон бир нече адамдар Ак үйдүн тосмосунан ашып кирген. Милиция аларды кармаган жана алардын арасында Ташиевден сырткары ошол кездеги депутаттар Садыр Жапаров менен Талант Мамытов болгон.
2013-жылдын 29-мартында Бишкектин Биринчи Май райондук соту Талант Мамытовду фракциялаштары Камчыбек Ташиев жана Садыр Жапаровду менен бирге мыйзамсыз бийликти басып алууга аракет кылган деген кине менен 1 жылга кескен.