• Бейшемби 25 Теке 2024
  • Четверг 25 Июль 2024

Таласта Казакстандан 432 баш жандыкты алып өтүүгө аракет кылышкан 

9 Теке 2024 12:26 Бишкек Govori.TV

Талас облусунун аймагында Казакстандан Кыргызстанга мыйзамсыз мал алып келүү аракети токтотулду. Бул тууралуу Улуттук коопсуздук мамлекеттик комитетинен билдиришти.

УКМК тарабынан Талас облусунун аймагындагы Кыргызстандын Казакстан менен чек арасында контрабандалык ишмердүүлүктү аныктоо жана бөгөт коюу боюнча жүргүзүлгөн ыкчам-издөө иш-чараларынын жүрүшүндө Казакстандан Кыргызстандын аймагына майда жандыктарды мыйзамсыз алып өтүү фактысы токтотулду.

2024-жылдын 4-июлунда Талас облусунун Манас районуна караштуу Кайыңды айылынын чек ара тилкесиндеги “Көл-Жайлоо” тоолуу аймагында УКМК тарабынан Чек ара кызматынын кызматкерлери менен биргеликте Талас районунун Нылды айылынын тургундары КР жарандары Т.Р.Б., Т.Р.Б. жана Т.М.Б. кармашты. Алар Казакстандан Кыргызстанга мыйзамсыз түрдө 432 баш майда жандыкты алып өтүүгө аракеттенген.

Учурда аталган факты боюнча КР УКМК иликтөө иштерин баштады.

Количество просмотров: 122