Талас облустук милициясы киши өлтүрүүгө шектелип, 17 жыл изин жашырып жүргөн жаранды кармады. Бул тууралуу Талас ОИИБдин басма сөз кызматы билдирди.
«2008-жылдын 28-майында саат 18:30 чамасында 1968-жылы туулган Талас шаарынын тургунун 3 эркек киши мас абалдарында Талас шаарындагы үйлөрдүн биринен астынан токтотуп алышып, уруп-сабашып, аны менен чектелбестен автоунаага салып, токой жээгине алып барышып, дагы сабашып денесине оор залал келтирип, ошол жерге таштап кетип калышкан. Натыйжада жабырлануучу алган жаракатынан улам көз жумган. Бул факты ошол учурда милиция тарабынан каттоого алынып, Кыргыз Республикасынын Кылмыш-жаза кодексинин (1997-жылдагы редакция) 97-статьясы (Киши өлтүрүү) менен кылмыш иши козголгон. Кылмыш ишинин алкагында милиция тарабынан 2 жаран кармалып, өз жазаларын алышкан», — деп жазылат маалыматта.
Ал эми кылмыш ишине шектүүлөрдүн бири, Талас шаарынын тургуну 1984-ж.т. Ш.Э. тергөөгө келбей изин жашырып качып кеткендиктен, 2008-жылдын август айында издөө иши ачылган.
«Дээрлик 17 жыл убакыт Ш.Э. Кыргыз Республикасынын аймагына келбей чет өлкөдө качып жүргөн. Милиция аталган жаранды таап, кылмыш жоопкерчилигине тартуу үчүн иликтөө-издөө иштерин токтоткон эмес. Тынымсыз көрүлгөн иш-аракеттердин натыйжасында, 2025-жылдын 20-май күнү Талас ОИИБдин Кылмыш иликтөө бөлүмүнүн кызматкерлери тарабынан Ш.Э. Бишкек шаарынан кармалып, Талас ШИИБдин убактылуу кармоочу жайына киргизилген», — деп айтылат билдирүүдө.
Азыркы учурда тергөө амалдары жүрүп жатат.
Бишкек шаарынын түштүк тарабында төрт күн жаратылыш газы берилбейт. «Бишкекгаз» кызматы билдиргендей, орто жана төмөнкү …
Талас облусунда «Беш-Таш» мамлекеттик жаратылыш паркында селден улам жол жана көпүрө жараксыз абалга келип, эс …
Бишкекте Аалы Токомбаев жана Байтик баатыр көчөлөрүнүн кесилиши убактылуу жабылат. Бул тууралуу мэриядан кабарлашты. Маалыматка …
Мэриядан билдиришкендей, 17-июнь саат 09:00дөн 18-июнь саат 06:00гө чейин төмөнкү аймактарда суу өчүрүлөт: Темир жол …
Бүгүндөн тарта Бишкекте Киев көчөсүн реконструкциялоо иштерине байланыштуу 14 автобустук каттамдын жүрүү чиймелери убактылуу өзгөртүлдү. …
Эртең, 16-июндан тарта Иманалиев көчөсүнүн 7-Апрель көчөсүнөн Жукеев-Пудовкин көчөсүнө чейинки бөлүгүндө унаалардын кыймылы убактылуу чектелет. …
