Талас облусунун аймагында күчү 3 баллга жеткен жер титирөө катталды. Бул тууралуу ӨКМнын басма сөз кызматы кабарлады.
Маалыматына ылайык, бүгүн, 10-январда саат 06:07де Талас облусунун аймагында очогунда күчү 3 баллга жеткен жер титирөө катталган.
«Жер титирөө Бакай-Ата районунун Бакай-Ата, Маданият, Ынтымак, Кызыл-Октябрь айылдарында 2,5 балл, Талас шаарында 2 баллга чейин сезилген»,-деп айтылат маалыматта.
Жер титирөөдөн жабыркагандар жана кыйроолор жок.