Ташчайнар каймана аты менен таанымал Нурлан Алишеровдун унаасынын айнектерин үгүт учурунда белгисиз адамдар талкалап кетишти. Бул тууралуу Алишеров өзү видео кайрылуу жасады.
Маалыматка ылайык, окуя 4-январь күнү Масалиев менен Ахунбаев көчөлөрүнүн кесилишинде болгон.
«Кара түстөгү жол тандабас астыман чыкты. Алгач ГАИ кызматкерлери деп ойлодук. Жол тандабастын айнегин ачып бет капчан адамдар таштарды ыргытты»,-деп билдирди Алишеров.