Чүй облусунун Ысык-Ата районундагы Новопокровка айылында УКМК Чек ара кызматынын 2026 жана 2031 аскер бөлүктөрүнүн кызматкерлерине батирлердин ачкычы тапшырылды. Бул тууралуу Чек ара кызматы кабарлайт.
Маалыматка ылайык, жаңы батирлердин ачкычтары 36 аскер кызматчынын үй-бүлөлөрүнө берилди. Төрт кабаттуу үй аскердик шаарчанын аймагында курулган. 36 батирлүү үйдүн курулушу республикалык бюджеттин эсебинен жүргүзүлдү.
Белгиленгендей, жаңы турак жай комплексинде көмүр сактоочу кампа менен өзүнчө откана, балдар үчүн аянтча жана унаа токтотуучу жайы каралган. Үй жеке долбоор менен курулуп, батирлердин орточо аянты 62-87 чарчы метрди түзөт.
Иш-чарага Улуттук коопсуздук мамлекеттик комитетинин төрагасы Камчыбек Ташиев, Чек ара кызматынын директору Уларбек Шаршеев, президенттин Чүй облусундагы өкүлчүлүгүнүн, укук коргоо органдарынын жана күч түзүмдөрүнүн өкүлдөрү, аскер бөлүктөрүнүн колбашчылыгы жана өздүк курамы, аскер кызматчыларынын үй-бүлөлөрү жана Чек ара кызматынын ардагерлери катышты.
Өз сөзүндө Камчыбек Ташиев мамлекеттик чек араны бекемдөө, өлкөнүн жана жалпы аймактын чек ара коопсуздугунун деңгээлин жогорулатуу боюнча комплекстүү иш-чараларды жүзөгө ашыруу зарылдыгын белгиледи.
“Мекен чегинин сакчыларынын социалдык көйгөйлөрүн чечүү маселеси ар дайым Кыргызстандын президентинин көңүл борборунда, ошондой эле аскер кызматчыларынын кызмат өтөөсү үчүн жана алардын үй-бүлөлөрүнүн турмуш-тиричилик шарттарын жакшыртууга жалпы өлкө жетекчилиги тарабынан зарыл болгон чаралар көрүлүп келүүдө. Ага бүгүнкү иш-чара айкын мисал болуп турат”, — деди УКМК башчысы.
Батирде бекилип калган кыздар куткарылды. Бул тууралуу Өзгөчө кырдаалдар министрлигинен кабарлашты. Маалыматка ылайык, ӨКМге Кызыл-Кыя …
Жалал-Абад облусунун Ала-Бука районунда аткезчиликке көмөктөшкөн КР УКМКнын Чек ара кызматынын кызматкерлери кармалды, деп билдирет …
2022-жылдын сентябрында Баткенде кыргыз-тажик чек арасындагы куралдуу жаңжалда курман болгон «Бөрү» атайын чек ара кызматынын …
Жол кылынган кримтөбөл Камчы Көлбаевдин 720 батири жакындарынын өз ыктыяры менен мамлекетке өткөрүлдү. Бул тууралуу …
Бүгүн Улуттук коопсуздук мамлекеттик комитетинин Талас облусундагы кызматкерлерине жана УКМКга караштуу чек ара кызматынын аскер …
Бүгүн, 19-октябрда Улуттук коопсуздук мамлекеттик комитетинин төрагасы Камчыбек Ташиев 2022-жылдын 16-сентябрында мамлекеттик чек аранын кыргыз-тажик …
