• Жума 5 Жалган куран 2021

Ташиев эртең Германиядан Бишкекке учуп келип, Баткенге барат

17 февраля 2021 в 16:43 Бишкек Govori.TV

Улуттук коопсуздук боюнча мамлекеттик комитеттин (УКМК) төрагасы Камчыбек Ташиев эртең, 18-февралда Германиядан Бишкекке учуп келет. Андан ары Ташиев Баткенге сапар тартары күтүлүүдө. Бул тууралуу анын жардамчысы Өткүрбек Абдрахманов Фейсбуктагы баракчасында жазды.

“Урматтуу мекендештер, буюрса, УКМКнын төрагасы Камчыбек Ташиев эртең, 18.02.2021-ж. саат 10:00дө чет мамлекеттен «Манас» аэропортуна учуп келип, дароо саат 11:00дө Баткен облусуна учат. Тийиштүү маселелер жеринде каралат”, – деп жазды ал.

Буга чейин, 12-февралда Камчыбек Ташиев Германиянын борбору Берлин шаарындагы бейтапкананын биринде жүрөгүнөн операция болгон. Ташиев жүрөгүнө жасалган операциядан кийин абалы жакшы экендиги айтылган.

Камчыбек Ташиев 2020-жылдын октябрь айынан бери УКМКнын төрагасынын кызматын аркалайт.

Количество просмотров: 116