Бүгүн, 3-августта борбор калаанын “Ала-Тоо” аянтында Олимпиада оюндарына катышып жаткан балбандардын беттеши түз эфирде көрсөтүлүп жатат.
Аянтка УКМКнын башчысы Камчыбек Ташиев, Бишкек шаарынын мэринин милдетин аткаруучу Таалайбек Сарыбашов, биринчи вице -мэр Жамалбек Ырсалиев жана күрөш күйөрмандары чогулду.
Кошумчалай кетсек, бүгүн грек-рим күрөшү боюнча Акжол Махмудов финалдык беттеште алтын медаль үчүн күрөшсө, Айсулуу Тыныбекова жарым финалда килемге чыгат. Мээрим Жуманазарова коло байге үчүн күч сынашат.