Сох анклавындагы Кайтпаc, Өтүкчү посттору ачылат. Бул тууралуу Улуттук коопсуздук мамлекеттик комитетинин (УКМК) төрагасы Камчыбек Ташиев 26-марттагы маалымат жыйынында билдирди.
Анын айтымында, посттон оор жүк ташуучу автоунаалардын өтүшүнө уруксат берилбейт. 20 орунга чейинки кичи автобустар, жеңил машинелер өтө алат.
“Тараптар макулдашты. 2021-жылдын 1-апрелинен тартып Кайтпас жана Өтүкчү, Тул чек ара бекеттери ачылат. Сох анклавына эч кандай коридор берилбейт”, -деди Ташиев.
