Ташкенттин Шайхантахур райондук соту «жынысы боюнча басмырлоону пропагандалаганы» үчүн Sahil Street Food кафесинин жетекчиси менен кызматкерин административдик жоопкерчиликке тартты. Бул тууралуу «Газета.uz» басылмасы жазды.
Соттун чечимине ылайык, эки айыпталуучунун ар бири 6,6 миллион сумдан айып пул төлөөгө милдеттендирилди.
18-ноябрда журналист Инобат Ахатова курбусу менен аталган кафеге кире албаганын, күзөтчүсү кечки саат 22:30дан кийин аялдар киргизилбей турганын айтканын билдирген.
Ал бул тууралуу президенттик порталга жазып, жынысына карап басмырлоо болгону боюнча укук коргоо органдарына арыз менен кайрылган.
29-ноябрдагы сот отурумунда кафенин жетекчиси күнөөсүн мойнуна алып, кафеде атайын кездемелер менен тосулган чатырлар бар экенин, ал жакта айрым эркектер менен аялдар «түрдүү ыксыз аракеттерди жасагандыктан», 22:30дан кийин аялдарды киргизбөө чечими кабыл алынганын айтты.
Ал өкүнүчүн билдирип, видеокайрылуу жасап, кечирим сурады. Анын кызматкери да ушундай эле көрсөтмө берип, күнөөсүн мойнуна алды.
Бул Өзбекстанда гендердик басмырлоо тууралуу жаңы берене боюнча чыккан алгачкы сот өкүмү экени кабарланды.
Өлкө президенти Шавкат Мирзиёев быйыл 31-октябрда Кылмыш жана Административдик жоопкерчилик тууралуу кодекстерге киргизилген өзгөртүүлөргө кол койгон. Ага ылайык, адамды жынысына карап басмырлоо, аялдар менен эркектердин тең укуктуулугун ачык тануу, бул сыяктуу көз караштарды таратуу жана мындай аракеттерди кубаттоо үчүн жаза киргизилген.
В Ташкенте проходит региональный форум CFI. Он был организован в партнерстве с посольствами Франции в …
VII кылымда бугунун терисине түшүрүлүп, бүгүнкү күнгө чейин сакталып калган байыркы Усман Кураны («Ташкенттик Куран») …
Министрлер Кабинетинин Төрагасы Акылбек Жапаров Ташкент шаарына (Өзбекстан Республикасы) болгон жумуш сапарынын алкагында Ташкент эл …
Министрлер Кабинетинин төрагасы Акылбек Жапаров жумуш сапары менен Өзбекстан Республикасынын Ташкент шаарына келди. МинКаб Төрагасы …
Ташкенттин Юнусабад районундагы №257-мектептин мугалими окуучулардан мектеп фондуна акча талап кылгандыгы үчүн иштен алынды. Бул …
Ташкенттин Сергели районунда 1-класстын окуучуларынын колдоруна ийне сайганы аныкталган мугалим иштен алынды. Бул тууралуу Өзбекстандын …
