Ташкентте эркектер кайрадан ички иштер бөлүмдөрүнө жеткирилип, сакалдарын алууга мажбурланууда. Алардын биринин айтымында, аны жана анын жетекчисин 15 суткалык камак менен коркутушкан, ошондон кийин ал сакалын алууга макул болгон.
“Инстаграмда” 1,3 миллион катталуучусу бар Абдурахмон Муфид (Abu Vines) каймана аты менен белгилүү вайнер Абдурахмон Абдурахмонов баракчасына сакалсыз сүрөтүн жайгаштырды.
“Акылмандык бардык нерседе бар. Өзүңөр көрүп тургандай сакалым алынган. Сураныч, эмне болгонун, эмне үчүн сакалымды алганымды, баары жакшыбы, маселе барбы-жокпу, сурабагыла. Балким мага жооп берүү кыйын болот. Бирок муну көргөн жана бул тууралуу билген кишилер түшүнөт деген ниеттемин. Эмне десем? Жаратмандыкты, элдерге дем берүүнү уланта берем. Мен силерди жакшы көрөм” , — деп жазды ал.
“Фейсбуктун” дагы бир колдонуучусу Мухаммадюсуф ибн Кобил райондук ички иштер бөлүмүнө барып келгенден кийин сакалын алууга туура келгенин жазып, сакал жана сакалын алгандан кийинки сүрөтүн жайгаштырды.
Мухаммадюсуф бөлүмдө кеминде 10 киши болгонун, укук коргоо органдарынын кызматкерлери аларды да сакалын алууга мажбурлаганын, болбосо 15 суткага камалышарын айтып коркутушканын ырастоодо.
Өзбекстан ИИМинин маалымат катчысы Шохрух Гиясов кылмыштуулукка каршы күрөшүү боюнча жүргүзүлүп жаткан иш-чараларды жарандардын диний ынанымы менен байланыштыруу туура эмес экенин айтты.
“Эгер жаран конституциялык укугум бузулду деп эсептесе, белгиленген тартипте арызданса болот”, — деди ал.
2019-жылы укук коргоо органдары Ташкенттеги «Малика» базарында да сакалы бар ондогон кишини кармап, милиция бөлүмүнө жеткиргенден кийин сакалдарын күчтөп алдырышкан. Анда бул окуя социалдык түйүндөрдө кызуу талкуу жараткан. 2021-жылы февраль айында да аталган базардын соодагерлери полиция кайрадан сакалдарын алууга мажбурлап жатышканына даттанышкан. Ташкент шаардык ички иштер башкармалыгы мындай айыптоолорду четке кагып келет.
Ташкенттин Сергели районунда 1-класстын окуучуларынын колдоруна ийне сайганы аныкталган мугалим иштен алынды. Бул тууралуу Өзбекстандын …
Ташкентте 15-апрелде «Борбор Азия – Булуңдагы араб мамлекеттеринин кызматташтык кеңеши» стратегиялык диалогунун тышкы иштер министрлеринин …
Ташкенттин Чиланзар районундагы Бөрүжар каналына үч киши чөгүп кетти. Бул тууралуу жергиликтүү Renessans TV телеканалы …
28-мартта Ташкентте катуу шамал болду. Ал жакта болсо Бишкек менен Алматыдагыдай күчтүү болгон жок. Анын …
Ташкентте сот 12 жаштагы окуучуну зордуктоого аракет кылган деп айыпталган 67 жаштагы музыка мугалимине карата …
КРнын Акыйкатчысы (Омбудсмен) Жамиля Жаманбаева Ташкент (Өзбекстан) шаарында өткөн “Адам укугун камсыз кылуу – мамлекеттин …
