Татарстандын Жогорку соту «Эркин Европа/Азаттык» радиосунун татар-башкыр кызматынын журналисти Алсу Курмашеваны 5-декабрга чейин камакта калтырды. Журналист 23-октябрда Казан шаарынын Совет райондук сотунун чечими менен камакка алынган.
«Идель.Реалии» басылмасы жазгандай, адвокат соттон Курмашева үчүн камоого байланышпаган бөгөт чарасын өтүнгөн. 31-октябрдагы отурум жабык өтүп, ага тергөө абагында отурган Алсу Курмашева видеобайланыш аркылуу катышты.
Орусиянын Тергөө комитети Курмашевага 26-октябрда «чет элдик агент катары катталуу милдетин аткарган эмес» деген айып таккан. Тергөөчүлөр журналист өзү чет элдик агенттердин тизмесине кошуу үчүн документ тапшырышы керек болчу деп эсептөөдө.
Бул Орусияда журналистке ушул берене менен козголгон алгачкы кылмыш иши болуп калды.
Курмашева өзүнө тагылган айыпты четке кагууда.
Радионун татар-башкыр кызматынын редактору, Прагада жашаган Алсу Курмашева быйыл майда Орусияга жеке маселелерине байланыштуу барган. 2-июнда аны Чехияга кайтарда аэропортто кармап, эки паспортун тең тартып алышкан. Ал Орусиянын жана АКШнын жараны.
Анда Курмашева америка жарандыгы тууралуу орус бийлигине расмий билдирбегени үчүн айыпка жыгылган. 18-октябрда жаңы айып тагылганга чейин ал паспортторунун кайтарып берилишин күтүп жаткан.
«Эркин Европа/Азаттык» радиосу Курмашеванын кармалышын кескин айыптады.
Татарстан Кыргызстанга 10 миң көчөт белек кылды, деп билдирет Жаратылыш ресурстары, экология жана техникалык көзөмөл …
Кыргыз жарандары Татарстандагы ишканаларга расмий түрдө жумушка орношсо болот. Бул тууралуу Жогорку Кеңештин депутаты Эмил …
Бишкекте КР министрлер кабинетинин төрагасынын орун басары Азиз Аалиев жана иш сапары менен Бишкекке келген …
Татарстан Республикасынын президенти Рустам Минниханов бүгүн, 18-ноябрда Кыргыз Республикасына иш сапары менен келди. «Манас» эл …
Президент Садыр Жапаров бүгүн, 11-майда, Казань шаарындагы мектепке куралдуу кол салуудан курман болгондорго байланыштуу Татарстан …
Официальный представитель Казанского Кремля Лилия Галимова опровергла Inkazan информацию о том, что якобы глава Татарстана Рустам …
