Хатлон облустук соту Элдик фронттун мурдагы командири Хожа Каримовдун жансакчысы Юсуф (Журабек) Салиховду Хуросон районундагы бир үй-бүлөнүн 22 мүчөсүн өлтүрүүгө катышкан деп айыптап, 15 жылга эркинен ажыратты.
Бул кылмыш 1992-жылдын 14-октябрында Гозималик районунун (азыркы Хуросон району) Сарбанд айылында жасалган.
Каза болгондордун үй-бүлө мүчөлөрүнүн бири Гүлбону Назарова 10-июнда “Озоди” радиосуна сот эки апта мурун аяктап, мурдагы өкүм өзгөргөнүн кабарлады.
Быйыл февраль айында Бохтар соту Юсуф Салиховду 12 жылга эркинен ажыраткан, бирок соттолгон адамга жалпы мунапыс актысын колдонуп, жазаны 12 жылдан 8 жылга өзгөрткөн.
Хатлон облусунун прокуратурасы жазаны «жеңил» деп таап, Салиховго чыгарылган өкүмдү кайра карап чыгуу өтүнүчү менен Тажикстандын Жогорку сотуна кайрылган. Юсуф Салиховдун жактоочусу Саид Салимзода, тескерисинче, кылмыштын эскирүү мөөнөтү өтүп кеткендиктен, ага козголгон иш токтотулушу керек деп эсептейт.
Салихов 2023-жылы июлда Тажикстандын өтүнүчү менен Орусияда кармалып, Душанбеге экстрадицияланган. Андан бери тажик бийлиги бул иш боюнча эч кандай маалымат берген эмес.
Тажик бийлигинин маалыматы боюнча, Салихов 10 жоочу менен бирге 1992-жылы күзүндө Хуросон районунда бир үй-бүлөнүн 22 мүчөсүн өлтүрүүгө катышкан. Андан соң алардын сөөктөрүн өрттөшкөн. Үй-бүлөнүн дагы эки мүчөсү кыргындан аман калган. Салихов өзү сотто чындап эле бул кылмышка катышканын, бирок жеке өзү эч кимди өлтүрбөгөнүн айткан.
Тажикстандын Элдик фронтунун мурдагы командири Хожа Каримов Тажикстандан качып кеткенине дээрлик 19 жыл болгондон кийин Дубайда кармалып, 2020-жылдын февраль айында Бириккен Араб Эмираттарынан мекенине экстрадицияланган. 2022-жылы ал 21 жылга эркинен ажыратылган.
Тажикстандын түштүгүндө 12 жаштагы кыз селдин курмандыгы болду. 25-майда Фархор районунун тургуну атасына жардам берип, …
Тажикстанда “улуттук маданиятка туура келбеген кийимдерди алып келип сатуу” жана коомдук жайларда мындай кийимдерди кийүү …
Тажикстан май айынын аягына чейин Борбор Азиянын бирдиктүү энергетикалык системасына кошула алат. Бул тууралуу Өзбекстандын …
Тажикстан парламентинин төмөнкү палатасы Орозо айт жана Курман айт күндөрү «идгардак» (айттоо) деп аталган балдардын …
Тажикстанда ондогон үйлөрдү сел каптаганын бүгүн, 16-апрелде «Азаттыктын» тажик кызматы жазды. Айрыкча Вахдат шаарынын жана …
Тажикстандын күч кызматынын өкүлдөрү Москвадагы “Крокус cити” борборундагы кол салууга шек саналып камалгандардын жакындарын суракка …
