Тажикстан парламентинин төмөнкү палатасы Орозо айт жана Курман айт күндөрү «идгардак» (айттоо) деп аталган балдардын майрамдык сейилдөөсүнө тыюу салган өзгөртүүлөрдү жактырды.
«Каада-салттарды жана ырым-жырымдарды жөнгө салуу жөнүндө» мыйзамга сунушталган өзгөртүүлөр парламентте 8-майда талкууланып, кийин анын түшүндүрмөсү парламенттик гезитке жарыяланды.
Ага ылайык, өзгөртүүлөр мыйзамдын расмий майрамдар жөнүндө айтылган 9-беренесине киргизилди. Билдирүүдө өзгөртүүлөрдүн негизги максаты – балдардын Орозо жана Курман айт күндөрдөгү коопсуздугун камсыз кылуу жана аларды туура тарбиялоо экени белгиленген.
Тажик коомчулугунда «идгардак» салтына байланышкан талаш-тартыштар көп жылдан бери уланып келет. Ал быйыл апрелде Билим берүү министрлиги мектептерге расмий каттарды жөнөтүп, мугалимдерди аталган майрам күндөрү балдардын сейилдөөсүнө жол бербөө үчүн чараларды көрүүгө чакыргандан кийин күчөгөн.
Бир нече жыл мурда Тажикстандын Уламалар кеңеши айттоо шарияттын нормаларына жана ханафи масхабынын окууларына каршы келет деп тапкан. «Исламда мындай салт жок», – деп билдиришкен анда кеңештен.
Бирок айрым маданият таануучулар «идгардак» салты тажиктердин каада-салтына жана улуттук маданиятына каршы келбей турганын белгилеп келишет. Алардын айтымында, айттоо тескерисинче коомдо жылуу сезимдерди жаратып, байланыштарды бекемдейт.
Тажикстандын президенти Эмомали Рахмон быйыл Орозо айт майрамына карата жасаган билдирүүсүндө дагы бир жолу жарандарды ысырапкерчиликке жол бербөөгө чакырган.
Президент Садыр Жапаров бүгүн, 16-июнда, кыргызстандыктарды Курман айт майрамы менен куттуктады. Мамлекет башчысынын куттуктоосу: “Урматтуу …
Хатлон облустук соту Элдик фронттун мурдагы командири Хожа Каримовдун жансакчысы Юсуф (Журабек) Салиховду Хуросон районундагы …
Тажикстандын түштүгүндө 12 жаштагы кыз селдин курмандыгы болду. 25-майда Фархор районунун тургуну атасына жардам берип, …
Тажикстанда “улуттук маданиятка туура келбеген кийимдерди алып келип сатуу” жана коомдук жайларда мындай кийимдерди кийүү …
Тажикстан май айынын аягына чейин Борбор Азиянын бирдиктүү энергетикалык системасына кошула алат. Бул тууралуу Өзбекстандын …
Тажикстанда ондогон үйлөрдү сел каптаганын бүгүн, 16-апрелде «Азаттыктын» тажик кызматы жазды. Айрыкча Вахдат шаарынын жана …
