Быйыл февралда Куляб шаарында кызматтык автоунаасы өрттөлгөн Хатлон облусунун Восей районунун прокурору Жуманазар Сайидахамадзода кызматтан алынды.
«Озоди» радиосу өз булактарына таянып кабарлагандай, прокурорду иштен алууга тургундардын көптөгөн даттануулары себеп болгон.
Азырынча Тажикстандын Башкы прокуратурасы бул боюнча эч кандай маалымат бере элек.
«Озодинин» укук коргоо органдарындагы булагы билдиргендей, бийлик прокурордун автоунаасынын өрттөлүшүн анын адилетсиз чечим чыгарганы менен байланыштырууда.
«Автоунаасы өрттөлгөн күндөрү Башкы прокуратурага Сайидахамадзодага каршы арыз келип түшкөн. Анын автору эмнеге даттанганы белгисиз. Восей районунун прокурору кызматтан бир ай мурда алынган», – деди «Озодинин» булагы.
Быйыл 13-февралга караган түнү Куляб шаарында Восей районунун прокурору Жуманазар Сайидахамадзоданын кызматтык унаасы өрттөлгөн.
17-февралда Тажикстандын башкы прокурору Юсуф Рахмон автоунааны өрттөө шеги менен Восей районунун мурдагы нотариусу Жумахон Ганиматзода кармалганын билдирген. «Бул кылмышты райондук прокурордун сунушу менен кызматтан алынган мурдагы нотариус жасаганы аныкталды. Ал прокурордон өч алуу үчүн автоунаасын өрттөп жиберген. Мурдагы нотариус кармалып, тергөө иштери башталды», – деген башкы прокурор.
Жумахон Ганиматзодага каршы «Мүлккө атайылап зыян келтирүү» беренеси менен кылмыш иши козголгон. Ал күнөөлүү деп табылса эки жылдан беш жылга чейинки мөөнөттөргө эркинен ажыратылышы мүмкүн.
Тажикстан май айынын аягына чейин Борбор Азиянын бирдиктүү энергетикалык системасына кошула алат. Бул тууралуу Өзбекстандын …
Тажикстан парламентинин төмөнкү палатасы Орозо айт жана Курман айт күндөрү «идгардак» (айттоо) деп аталган балдардын …
Тажикстанда ондогон үйлөрдү сел каптаганын бүгүн, 16-апрелде «Азаттыктын» тажик кызматы жазды. Айрыкча Вахдат шаарынын жана …
Тажикстандын күч кызматынын өкүлдөрү Москвадагы “Крокус cити” борборундагы кол салууга шек саналып камалгандардын жакындарын суракка …
2023-жылы Тажикстанда алимент төлөөдөн качкан жарандардын саны өстү. Тажикстан өкмөтүнө караштуу Сот аткаруучулар кызматынын маалыматы …
Тажикстандын Салык комитети былтыр тажик блогерлери 33,5 миллион сомони же 3 миллион долларга жакын киреше …
