Тажикстанда айыл-чарба тармагында өтө популярдуу эсептелген аммиак селитрасы эми паспортун көрсөткөн жарандарга гана сатыла баштайт.
Жер семирткич сатуу менен алектенген тургундардын бири милиция кызматкерлери мындан ары селитраны паспорту жок адамдарга саткандар жазаланарын эскерткенин билдирди.
Өзүн Арбобуддин Кулдошов деп тааныштырган багбан бир ай мурда селитра сатып алганын, сатуучу анын паспортунун көчүрмөсүн алып, жеке маалыматтарын, селитранын көлөмүн атайын дептерге жазып алганын айтты.
«Милиция селитраны паспортун көрсөткөндөргө гана сатуу чечими – коопсуздук чараларына байланыштуу экенин билдирген. Алардын айтымында, селитраны жардыруучу заттарды даярдоого колдонсо болот экен», – деди ал.
Дыйкандар менен багбандардын айтымында, жер семирткичтердин айрым түрлөрүн сатуудагы мындай чектөөлөр бир нече жыл мурда эле кабыл алынган, бирок акыркы жылдары ага көп көңүл бурулбай келген.
Эки ай мурда Тажикстанда курулуш материалдарынын айрым түрлөрү, анын ичинде мык паспорту жок адамдарга сатылбай калган. Анда бул чечим боюнча эч кандай түшүндүрмө берилген эмес.
Тажикстанда ондогон үйлөрдү сел каптаганын бүгүн, 16-апрелде «Азаттыктын» тажик кызматы жазды. Айрыкча Вахдат шаарынын жана …
Тажикстандын күч кызматынын өкүлдөрү Москвадагы “Крокус cити” борборундагы кол салууга шек саналып камалгандардын жакындарын суракка …
2023-жылы Тажикстанда алимент төлөөдөн качкан жарандардын саны өстү. Тажикстан өкмөтүнө караштуу Сот аткаруучулар кызматынын маалыматы …
Тажикстандын Салык комитети былтыр тажик блогерлери 33,5 миллион сомони же 3 миллион долларга жакын киреше …
Тажикстандын Бажы кызматы өлкө тургундары уюлдук телефон же планшет сатып аларда сатуучулардан бажы төлөмдөрү төлөнгөн …
Тажикстанда сөөгү 11-декабрда Каферниган дарыясынан табылган 16 жаштагы кыздын өлүмү боюнча териштирүү иштери башталды. Бул …
