Бишкек. 10.04.2018. Govori.TV.
«ТЭЦти модернизациялоо туура чечим болгон». Бул боюнча экс-премьер-министр Жантөрө Сатыбалдиев Жогорку Кеңештин ТЭЦ боюнча комиссиясынын жыйынында айтты.
Ал өз сөзүндө, модернизацияциялоо боюнча насыя абдан ыңгайлуу шартта алынганын айтты.
«Чай үстүндө эле ТВЕАнын жетекчиси менен 2 млн. доллар жардам берүүнү чечкенбиз. Жардам сурасам, бир мектеп салып берем деди, мен аз дедим, анан 2 млн. деген. Ошентип отуруп 20 млн. доллар техникалык грант берилери боюнча маселе чечилген»,-деди.
Ж.Сатыбалдиевдин айтымында, ТВЕАны электр станциялары тандаган.
«Энергетика министрлиги карап чыккан, тандаган. Менимче 386 млн. доллар туура баа»,-деди экс-премьер-министр.
Эске салсак, бүгүн ТЭЦ боюнча депутаттык комиссиянын отуруму өтүүдө.
