Бишкек. 24.01.2019. Govori.TV
“Ата Мекен” партиясынын камактагы лидери Өмүрбек Текебаев жатак абакка 2020-жылдын 10-февралында которула тургандыгын ЖАМК айтып чыкты. Ал эми бул тууралуу Текебаевдин жактоочусу Таалайгүл Токтоканува мындай дейт:
“Биз азыр мыйзамды карап, буга чейин кандай шарттарда колдонулганын карап жатабыз. Бары такталган соң кененирээк маалымат беребиз”,-дейт Токтоканова.
Кошумчалай кетсек, “Ата Мекен” партиясынын камактагы лидери Өмүрбек Текебаев жатак абакка 2020-жылдын 10-февралында которулат. Бул тууралуу Жаза аткаруу мамлекеттик кызматынын төрагасы Таалайбек Жапаров билдирди.
“Камакта отургандардын мөөнөтүн эсептеген атайын бөлүм бар. Алар камактагылардын күнүнөн, саатынан бери санашат. Эгер мөөнөтүнөн ашык отуруп калса, адамды мыйзамсыз камакта кармоо болуп эсептелет. Ошондуктан кылдаттык менен эсептелет. Мага кат жүзүндө да, оозеки да айтып көп адам кайрылат. “Отурган мөөнөтүбүздү карап бергиле. Туура эмес болуп жатат. Же жатак абакка которуп койгула” дешет. Ошолордун ичинде Текебаевдики да бар. Алардын мөөнөтүн санай турган адистер бизде гана бар. Жазаны аткарып жаткандыктан биздин эсебибиз туура болот. Эгер туура эмес болсо адистер мыйзамдын астында жооп берет”, – деди Жапаров.
Бишкектин Биринчи Май райондук сотунда кримтөбөл Азиз Батукаевдин мыйзамсыз өлкөдөн чыгып кетиши боюнча соттук алдын ала уктурууда …
Мурдагы президент Алмазбек Атамбаевге байланыштуу сотко чейинки тергөө аяктаган. Ал эми ИИМ бул туурасында билдирүү …
