“Темиров LIVE” редакциясынын мурдагы кызматкери: Суракка бир эле жолу бардым

Бүгүн, 27-мартта Бишкектин Биринчи май райондук соту “Темиров LIVE” редакциясынын мурдагы кызматкери Максат Тажыбек уулунун баш коргоо чарасын карап, райондук соттун өкүмүн күчүндө калтырды.

Соттун чечимине ылайык, ал 2 айга камакта калды.

Чечиминдин алдында Тажыбек уулу журналисттердин суроолоруна жооп берип, соттон үй камагына чыгарууну суранды.

«Суракка бир эле жолу бардым. Кармоо шарттары башкалар сыяктуу эле. Бөгөт чарасын үй камагына өзгөртүп берүүңүздөрдү өтүнөм», — деп билдирди Тажыбек уулу.

Эске салсак, 17-январда Бишкектин Биринчи Май райондук сотунун чечими менен эркин медиада иштеген 11 журналист жана активист 13-мартка чейин Бишкектин №1 тергөө абагына камакка алынган.

ИИМдин басма сөз кызматы милиция кызматкерлери тарабынан интернет тармагына мониторинг жүргүзүү учурунда «Айт, айт десе» жана «Temirov Live» аталышындагы баракчалардан массалык башаламандыктарга чакырык жасаган материал жарыялангандыгы тууралуу маалымат алынганын, экспертизанын корутундусунун негизинде Кылмыш-жаза кодексинин 278-беренесинин 3-бөлүмү менен иш козголгонун маалымдаган.